Vientiane

De Wikipedio
Jump to navigation Jump to search
Vientiane
Vientiane montage.jpg
Kelk imaji pri Vientiane.
Lando: Flag of Laos.svg Laos
Informo:
Latitudo: 17º58'0"N
Longitudo: 102º36'00"E
Altitudo: 174 m
Surfaco: 130 km²
Habitanti: 783 000 (2013)
Horala zono: UTC+7
Urbestro: Sombath Yialiheu
Mapo:
Mapo di Vientiane
Strado en Vientiane.

Vientiane o Vieng Chan esas la chef-urbo e maxim populizita urbo di Laos. Segun statistiki de 2013, ol havis 783 000 habitanti. Entote ol havas 130 km².

L'urbo jacas an la rivo dil fluvio Mekong, proxim la frontiero kun Tailando. Ol esis administrala centro dum Franca okupeso en Indochinia e nune ol esas l'ekonomiala centro di Laos. Dum recenta yari, ol recevabas multa turisti, pro lua bela templi e monumenti Budista, e bona hoteli. En 1994 inauguresis ponto inter Vientiane e Nong Khai en Tailando, nomizita "unesma Ponto dil Amikeso". En 2007 inauguresis la duesma ponto inter la du landi, ed en 2009 la du konektesis per ferovoyala lineo.

Vientiani divenis chef-urbo di Laos en 1563, pro timo di invado dal Burmani. Tamen, ol invadesis e destruktesis en 1827 dal Tailandani.

Geografio[redaktar | redaktar fonto]

Avenuo Lang Xang, en Vientiane.

La reliefo di Vientiane esas plana, jacante an la rivo dil Mekong, an la frontiero kun Tailando. Omna riveri del urbo ekfluas en Mekong.

La klimato dil urbo esas tropikala di savano (Aw segun la klimatala klasifikuro di Köppen) kun du sezoni, sika e pluvoza. La sika sezono iras de novembro til marto kun min kam 34 mm di pluvo per monato. La pluvoza sezono komencas en aprilo e duras dum cirkume 7 monati. La mezavalora yarala pluvozeso esas 1660,5 mm, e la maxim pluvoza monato esas agosto, kun mezavalore 334,6 mm.

La mezavalora temperaturo en junio esas 24,9°C, dum ke la mezavalora temperaturo en januaro esas 16,4°C. Ordinare, la temperaturi esas plu kolda dum la sika sezono kam dum la pluvoza sezono.