Vietnamana literaturo

De Wikipedio
Salti al navigilo Salti al serĉilo

Vietnamana literaturo esas literaturo, sive parolata sive skribata, kreita larje per Vietnamana skriptisti, malgre kelka Vietnamani publikigas en la Franca o l'Angla, nome en Australia ed Usa. Multa specalisti konsideras ol parto di Vietnamana nacionala tradiciono.

Dum mili di yari ante la 11ma yarcento, Vietnam dominacesis da Chinia, e pro to multa skribita verki dum ta epoko skribesis en klasika Chiniana. La skribo-sistemo Chữ Nôm, kreita cirkume la 10ma yarcento, permisis skriptar en la Vietnamana tra l'uzo di modifikita Chiniana signi.

Quankam konsiderita inferiora a Chiniana literaturo, la literaturo Vietnamana gradope divenis prestijoza. Ol prosperis dum la 18ma yarcento kun multa remarkinda skriptisti e poeti, qui skribis dum kurta tempo lia verki en chữ nôm, kande ol divenis l'oficala skribomaniero. La skribo quốc ngữ - qua uzas la latinal alfabeto modifikata - kreesis dum la 17ma yarcento. Ol gradope difuzesis exter la misionala grupi til la frua 20ma yarcento, kande Franca kolonial administrantaro imperis lua uzo en Franca Indochinia. Pos la duimo dil 20ma yarcento, preske omna vietnamana literaturo skribesas en quốc ngữ.