Volebalo

De Wikipedio
Irez ad: pilotado, serchez
Volebalo-konkurso.

Volebalo esas esquado-sporto ube ula esquado kun 6 ludisti single konkursas kontre l'altra, esante la du separita per un reto. Singla esquado intencas facar punti per lansado di la balono kontre la sulo en la feldo di rivala esquado, segun organizita reguli.[1] Volebalo esas Olimpiala sporto depos 1964.

Pueri ludas volebalo en la vilajo Erwadi, Tamil Nadu, India.

Volebalo havas multa reguli, ma en simpla vorti, ula ludero di un ek la esquadi komencas 'ralio' tra la jeto dil balono (adsupre, o tra liberigo dil balono e sequante tra forta frapado kun la manuo o brakio) dedop la limitolineo di la feldo. La balono mustas transirar super la neto e falar en la feldo di la recevanti, l'opozanta esquado. L'opozanta esquado ne mustas permisar ke la balono falos interne en lua feldo. Singla esquado povas tushar la balono admaxime 3 foyi, ma singla ludero ne povas tushar la balono du foyi sequante. Kustume, l'unesma du tushi uzesas por preparar l'atako, qua konsistas ek probar lansado di la balono super la reto en moyeno qua impedas l'opozanta esquado evitar lua falo en lua feldo.

La 'ralio' duras til eventar un ek ca du situesi:

  1. un ek la esquadi sucesas lansar la balono kontre la sulo en la feldo di opozanta esquado e ganas la 'ralio', o
  2. un ek la esquadi facas eroro e perdas la 'ralio'.

L'unesma volebalo-konkurso ludesis en Holyoke, Massachusetts, la yaro 1895.

Referi[redaktar | redaktar fonto]

  1. Volleyball. International Olympic Committee. URL vidita ye la 21ma di marto 2007.