Wuppertal

De Wikipedio
Wuppertal
Wuppertal.
Blazono
Lando: Germania
Stato: Nordrheno-Vestfalia
Informo:
Latitudo: 51°16'0"N
Longitudo: 7°11'0"E
Altitudo: 160 m
Surfaco: 168,39 km²
Habitanti: 358 876 (2022)
Denseso di habitantaro: 2131 hab./km²
Disto de Berlin: 529,6[1] km
Horala zono: UTC+1
(UTC+2 dum la somero)
Urbestro: Uwe Schneidewind (Grüne)
Mapo di Wuppertal
Oficala retosituo:
https://www.wuppertal.de
Urbo-domo di Wuppertal.

Wuppertal esas urbo en Germania. Segun statistiki dil yaro 2022, ol havis 358 876 habitanti. Lua tota surfaco esas 168,39 km². Ol esas la maxim populoza urbo e centro industriala, ekonomiala, edukala e kulturala di la regiono konocata kom Bergisches Land, weste de Germania, an valo di Ruhr.

Ol mencionesis unesmafoye dum la 11ma yarcento. Dum multa yarcenti, lua nuna urbal areo apartenis a diversa teritorii. Dum la 19ma yarcento ol divenis importanta industriala centro di Germania e di tot Europa, nome pri produktado di texaro. Nun existas cirkume 4500 arkitekturala monumenti en la urbo.

Wuppertal konocesas internacione pro lua monorelo, longa de 13,3 kilometri, inaugurita en 1901.

Geografio[redaktar | redaktar fonto]

Rivero Wupper e Schwebebahn, la maxim anciena monorelo de la mondo, inaugurita en 1901.

La reliefo di Wuppertal esas kolinoza, jacanta an la valo dil rivero Wupper, qua dividas la urbo en du zoni, norda e suda. La kolini norde apartenas a monti konsistanta ek ardezo, konocata Germane kom Niederbergisch-Märkisches Hügelland. La mezavalora altitudo di Wuppertal esas 160 metri.

La klimato dil urbo esas moderema, kun influi oceanala e kontinentala (Cfb segun la klimatala klasifikuro da Köppen). La mezavalora temperaturo en januaro (vintro) esas 3,1°C, kontre ke la mezavalora temperaturo en julio (somero) esas 18,7°C. Omnayare, l'urbo recevas mezavalore 1300 til 1400 hori di sunala lumo. La naturala vejetantaro esas bone adaptata a la klimato, tamen la posibleso di pluvegi o frosto desfaciligas agrokultivo en la zono.

La mezavalora yarala pluvo-quanto varias de 1100 til 1200 mm. De novembro til februaro esas la maxim pluvoza epoko. La maxim pluvoza monato esas januaro, kun mezavalore 125 mm. Populara frazo lokala dicas ke "en Wuppertal, pueri naskas portanta parapluvo".

Referi[redaktar | redaktar fonto]

Panoramo pri Wuppertal.
  1. Berlin - Wuppertal route planner - Michelin - URL vidita ye 7ma di septembro 2017.