Zeughaus

De Wikipedio
Salti al navigilo Salti al serĉilo
La Zeughaus

La Zeughaus (olima Arsenalo) en Berlin, Germania esas la maxim anciena strukturo en la strado Unter den Linden.

Ol konstruktesis dal Elektoro Frederik 1ma di Prusia inter 1695 e 1730 en la baroka stilo, uzota kom artilrio-arsenalo por estalo di kanoni de Brandenburg e Prusia.

La unesma konstrukto-mastro esis Johann Arnold Nering.  Pos lua morto en 1695, il sequesis da Martin Grünberg, lore Andreas Schlüter e fine Jean de Bodt.  Andreas Schlüter desegnis la klozostoni super la rond-arka fenestri forme di kapi di giganti.  Georg Friedrich Hitzig (1811-1881) konstruktis la monumentala eskalero al supra etajo dil norda latero, ed anke tekto super la korto.

La edifico konvertesis a militala muzeo en 1875.

En marto 1943, Rudolf von Gersdorff probis, ma faliis asasinar per suicido-bombardo Adolf Hitler, dum la aperto di expozo en ta muzeo.

Inter 1949-65 la Zeughaus restauresis pos grava milito-domajo, la internajo tote ridesegnesis.  En 1952, la guvernerio dil Germana Demokrata Republiko apertis la Muzeo di Germana Historio (Museum für Deutsche Geschichte) en la Zeughaus, qua prizentis la historio di Germania, aparte dum la moderna epoko, de komunista vidpunto.

Hodie, la Zeughaus esas la situo dil Deutsches Historisches Museum (Germana Historiala Muzeo).