Historio di Germania

Kranio dil Homo heidelbergensis, rikonstruktita.

La regiono di nuna Germania habitesis de adminime 600 mil yari ante nun, komence da tale nomizita Homo heidelbergensis, de qua trovesis mandibulo en 1907. Interne karbono-mineyo en Schöningen trovesis la maxim anciena chaso-armi konocata. En 1856 unesmafoye deskovresis en Nordrheno-Vestfalia osti de tale nomizita Homo neanderthalensis.

L'unesma grupi di moderna farmisti qui habitis la regiono originis de Anatolia e migris a la regiono dum Neolitiko, de 10 mil til 8 mil yari ante nun. Dum la fino di Bronz-epoko e komenco di Fer-epoko (1300 aK til cirkume 500 aK) diversa kulturi, judikata kom Kelta populi, habitis la regiono. Cirkume 700 aK, Germana populi komencis arivar en la regiono e gradope remplasis Kelti.

Ye la duimo dil 1ma yarcento aK, Iulius Caesar komencis konstruktar ponti sur Rheno, dum ilua kampanio en Gallia. Pos multa dii, ilu ne trovis Germani, qui retretabis doplande. Iulius Caesar nomizis Germania la nekonquestita estala rivo di Rheno. La konquestita westala rivo dividesis en Belgica e Gallia Celtica. En la yaro 9 Germana, tribui vinkis Romani en la batalio di la foresto Teutoburg, e preventis l'invado di la regiono da Romani. Dum la 3ma yarcento aparis multa tribui Germana, exemple Alamani, Franki, Bavari, Saxoni e plura altra. Kristanismo introduktesis en la regiono dum la regno da Konstantinus la 1ma (306 til 337). Dum la fino dil 4ma yarcento, Huni invadis Europa, e kontrolis la regiono til la morto di Dengizich, filiulo di Attila, en 469.

Dum Mezepoko, parti ek la regiono apartenis direte a Santa Romana Imperio, kontre ke en altra parti existis diversa mikra princii. Santa Romana imperio perdis kelka povo en 1648 pos finir la milito di Triadek yari, e diversa nedependanta rejolandi e princolandi aparis, exemple Prusia, Bavaria e Saxonia.

Unigo en 1871

Ye 18 di januaro 1871, en la spegul-galerio di la Palaco di Versailles, la unigo di Germania esis proklamata. Princi di la Germana stati, ecepte Austria-Hungaria, asemblis e proklamis ke Wilhelm la 1ma di Germania esas imperiestro di nova stato, qua remplasis la Germana Federuro, kreita da la Kongreso di Wien en 1815. La unigo di 1871 sequis la dissolvo di la Santa Romana Imperio en 1806, e kreskanta Germana nacionalismo dum la 19ma yarcento.

Extera ligili

• http://spravka.gramota.ru/offdocs.html?id=85
• http://www.pep.com.cn/200406/ca416196.htm
• http://www.rootsweb.com/~deubadnw/history/maps/maps.htm
• http://www.fvdes.com/stamps/naziweb/nazi_education_stamps.htm