Historio di Vatikano

Papala rezideyo pos la 5ma yarcento, Vatikano nomizesis pro Mons Vaticanus, Romana kolino sur qua ol stacas. La nomo dil kolino forsan devenas del Latina Vaticinia, signifikante 'divineyo', forsan pro ke ol esis situo di pre-Kristana templo.

Pos ke kristanismo divenis l'oficala religio di Romana imperio, en 321 imperiestro Konstantinos la 1ma permisis Kristana eklezio havar propraji. Pos la krulo dil imperio, papi gradope komencis guvernar regioni vicina a Roma. En 756 kreesis tale nomizita Papala Stati, qui esis grupo di teritorii che Italiana peninsulo sub direta suvereneso di la papo.

De 1305 til 1378, papi rezidis en l'enklavo Avignon, cirkondata da Provenco e sub influi di Franca reji. Ta periodo konocesas kom "kaptiteso di Avignon". Dum ta epoko, la propra urbo Avignon e lua vicineso enkorpigesis a Papala Stati, e restis quale to dum cirkume 400 yari, mem pos ke papi retroiris a Roma.

Dum la Renesanco la teritorio di Papala Stati augmentis multe. Dum lua apogeo, lua teritorio kovris granda parto di la nuna Lazio, Marche, Umbria, ed Emilia-Romagna.

La nuna Vatikano divenis nedependanta stato en 1929.

Historio di Europa