Historio di Bosnia e Herzegovina

De Wikipedio
Irez ad: pilotado, serchez
Romana ruini en Mogorjelo, Bosnia e Herzegovina.

Bosnia ja habitesis dum neolitiko. Unesma habitanti divenis konocita kom Iliriani. Kelti enmigris vers la regiono dum la 4ma yarcento aK. Romani nur konquestis la regiono en la yaro 9. La regiono divenis parto di Iliria sub Roman okupeso.

Kristanismo arivis en la regiono ante la fino dil 1ma yarcento. Dum la 4ma yarcento la regioni di Dalmacia e Pannonia divenis parti de la Westala Roman Imperio. Ostrogoti konquestis la regiono en 455.

Cirkum la 6ma yarcento la regiono konquestesis da Justinianus 1ma por Bizanco. Slavi kune Avari invadis e konquestis Estala Romana Imperio dum la 6ma e la 7ma yarcenti.


Cirkum la 9ma yarcento la regiono divenis kristana. La princii di Serbia e Kroatia dividis la kontrolo di Bosnia e Herzegovina dum la 9ma e la 10ma yarcenti. Dum la 15ma yarcento la regiono okupesis da Otoman imperio, mas pos perdar milito de 1683 til 1697 kontre Austria, Otomani perdis Slavonia por Austri. En 1716 Austria okupis la nordo di Serbia e la nordo di Bosnia.

Dum la 19ma yarcento Otomani probis facar reformi en guvernerio di la regiono, ma en 1878 li perdis l'administro di Bosnia e Herzegovina por Austria-Hungaria.

Uniformo di Franz Ferdinand kun sango.

Ye la 28ma di junio 1914 Austrian arkiduko Franz Ferdinand asasinesis en Sarajevo da Gavrilo Princip, pretexto por komencar Unesma mondomilito. En 1918 kande Austria-Hungaria vinkesis, la regiono divenis parto di la Rejio di Serbi, Kroati e Sloveni, e pose di Yugoslavia.

Ye la 6ma di aprilo 1941 nacional-socialista Germania invadis Yugoslavia, e komencis militeto, komandita da Josip Broz Tito kontre Nacionalsocialista okupeso. Ye la 25ma di novembro 1943 Tito liberigis Bosnia e Herzegovina de Germana okupeso. En 1946 Bosnia e Herzegovina divenis un di la 6 republiki de la Republiko Socialista Federala di Yugoslavia.

Flago di nedependanta Bosnia e Herzegovina.

Bosnia e Herzegovina divenis nedependanta de Yugoslavia ye la 6ma di aprilo 1992. En 21 di novembro 1995 subskribesis la pakto pri paco en Dayton, qua finis l'interna milito inter la nacionala grupi. La pacala pakto kontenas anke la nuna konstituco di lando.

Videz anke[redaktar | redaktar fonto]


LocationEurope.png
Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukraina | Unionita Rejio | Vatikano