Historio di Kroatia

De Wikipedio
Salti al navigilo Irez a serchilo
L'arivo dil Kroatiani al Adriatiko.

La regiono di nuna Kroatia habitesis tra Paleolitiko. Fosili di homi de paleolitiko esis deskovrita en nordo di lando.

La nomo Kroatia derivesas de mez-epokala vorto Croātia, qua originis de latina vorto Dux Croatorum ("duko di Kroati"). Lando divenis nedependanta monarkio unesma foyo en 925. Dum 14ma yarcento, sud-esto di regiono (nune Bosnia e Herzegovina) okupesis da Otoman imperio. Dalmatia divenis parto di Republiko di Venizia. Inter 1797 e 1815 la regiono divenis teritorio di Habsburg-monarkio.

Pos l'unesma mondomilito, lando deklaris nedependo ye la 29ma di oktobro 1918 e formacis Stato di Sloveni, Kroati e Serbi. Ta stato unionis kun la Rejio di Serbia ye la 4ma di decembro sam yaro por formar Rejio di Serbiani, Kroatiani e Sloveniani, rinomizita ye la 3ma di oktobro 1929 kom Rejio di Yugoslavia.

En 1941 Yugoslavia okupesis da Nacional-socialista Germania ed Italia. Parti de Kroatia, Bosnia e Herzegovina e Smyrna agregesis por formacar Nedependanta Stato di Kroatia, guvernita da Radikala dextra grupo Ustaše e federita kun nacionalsocialisti. Ustaše adoptis rasala legi en la teritorio e kreis 8 koncentreyi e mortigis precipue Serbi: cirkum 330,000 Serbi mortigesis. Kroata Josip Broz Tito komandis partizana movado kontre Ustaše ed en 1945 ekpulsis nacional-socialisti e lua suportinti de povo.

Flago di Kroatia pos la nedependo.

Kroatia deklaris nedependo de Yugoslavia ye la 25ma di junio 1991. Kom rezulto, milito inter Kroatia e Yugoslavia komencis. Mili di personi exilesis o mortigesis, en "rasala purigesi". Frontier urbo di Vukovar sufris siejo dum la milito e granda parto di ol destruktesis. Serba forci okupis ol en 18 di novembro 1991 ed eventis masakro di la habitanti.

La Milito pri la nedependo di Kroatia finis efektigive en 1995. En 1996 lando divenis membro di la Konsilantaro di Europa. En 1996 e 1997 lando rekuperis su de la milito.

Ye la 1ma di julio 2013 Kroatia divenis la 28ma stato de Europana Uniono.[1]

Videz anke[redaktar | redaktar fonto]


LocationEurope.png
Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukraina | Unionita Rejio | Vatikano
  1. UOL. Milhares de pessoas comemoram em Zagreb a entrada oficial da Croácia na UE. URL vidita ye la 30ma di junio 2013.