Historio di Montenegro

Dum la yaro 9 Romani konquestis la nuna regiono di Montenegro. Dum la 6ma yarcento slavi koloniigis ol. Dum la 9ma yarcento existis tri princii en la regiono: Duklja (korespondanta a la suda duimo di Montenegro), Travunia (weste) e Rascia, norde. En 1042 Stefan Vojislav duktis revolto qua efektigis la nedependo di Duklja. Ta princio havis lua apogeo c. 1046, kande Mihailo la 1ma e pose Konstantin Bodin, rispektive filiulo e nepotulo di Stefan Vojislav, guvernis.

La regiono di Duklja pose konocesis kom Zeta. En 1169 Stjepan Nemanja unionis princii di Zeta e Raska. Tale naskis Serbia. De 1276 til 1309 la rejino Jelena Anžujska (Helene de Anjou), vidvo di Uroš la 1ma, Granda Princo di Serbia, guvernis Zeta. Ibe el konstruktis e restoris diversa monakeyi. La Veneziana nomo Montenegro (nigra monto) aparis unesmafoye en la charto de 1296, dum la regno di Jelena, pri la monakeyo di Santa Nikolas en Vranjina.

en 1360 Zeta divenas itere nedependanta.
dum la fino dil 15ma yarcento la Turki iris til Montenegro, ma lia povo esis febla.
de 1561 til 1851 periodo di la teokratio. La maxim granda heroo esis Petar la 2ma, Petrovic Njegos (1831-1851).
en 1878 la nedependo di la princio agnoskesis dal Konfero di Berlin.
en 1910 Montenegro divenis rejio.

en 1918 Montenegro anexesis a Yugoslavia sen ula specala stando.
en 1941 Italia okupis Montenegro, e la rejio esis en personala uniono kun Italiana.
en 1945 Montenegro divenis republiko de la federuro di Yugoslavia, sub Tito.
en 1951 Montenegro ganis lua nuna limiti.
en 1992 Montenegro e Serbia fondis la stumpala Yugoslavia.
en 1998 la relati inter Montenegro e Serbia ruptis.
en 2003 statala uniono Serbia e Montenegro naskis.

la 21ma di mayo 2006 Montenegrani votis yes pri la nedependo ed ye la 3ma di junio Montenegro divenis nedependanta.
en marto 2007 Montenegro apologiis por lua partopreno en l'atako kontre Dubrovnik, Kroatia, e konkordis pagar indemno por la domaji.

Historio di Europa