Historio di Liechtenstein

La maxim anciena evidentaji pri homala habitado en la regiono di la nuna Liechtenstein evas de Meza Paleolitiko. Kololonieti agrokultivala existis en la regiono dum Neolitiko, cirkume 5300 yari aK.

Kulturi Hallstatt e La Tène prosperis en la regiono dum fer-epoko, cirkume 450 aK, posible influita ambe da Greka ed Etruska civilizuri. En 58 aK, Iulius Caesar vinkis Alpala tribui en la regiono, e konquestis ol por Romana imperio. Liechtenstein divenis parto di Romana provinco Raetia, e Romani mantenis garnizoni di legionani en Brigantium (nun Bregenz, Austria) apud lago Bodensee. Cirkume 260, Brigantium destruktesis da Alamani, populo qua pose koloniigis l'areo cirkume 450.

L'aero qua pose divenis Liechtenstein restis sub Frankiana hegemonio (dinastii Merovingiana e Karolingiana) til ke kontrato di Verdun dividis l'imperio en 843, pos la morto di Karolus la Granda en 814. La nuna teritorio di Liechtenstein restis parto di Estal Francia, e pose riunigesis a Meza Francia dum la Santa Romana imperio cirkum yaro 1000.

La familio Liechtenstein aquiris la teritorio en 1712. En 1806, ol recevis nedependo. En 1818, princo Johann la 1ma Josef grantis konstituco a la lando.

Til fino dil unesma mondomilito, Liechtenstein esis politikale proxim de Austrian imperio e pose de Austria-Hungaria. Pos la vinkeso di Austria-Hungaria, Liechtenstein establisis pakto e konkluzis monetala uniono kun Suisia.

Historio di Europa