Arcangelo Corelli

De Wikipedio
Irez ad: pilotado, serchez
Arcangelo Corelli
Arcangelo corelli.jpg
Profesiono: Kompozisto
Lando: Flag of Italy.svg Italia
Nasko-dio: 17 di februaro 1653
Nasko-loko: Fusignano, Italia
Morto-dio: 8 di januaro 1713
Morto-loko: Roma, Italia

Arcangelo Corelli (1653 til 1713) esis Italiana kompozisto.

Dum yuneso il studiis en Bologna. Il pose rezidis en Roma e pleis violino en orkestri; il divenis konocata kom virtuozo, e ganis la intereso di aristokrata patroni, a qui il dedikis sua kompozuri.

Ye ta periodo, la violino komencis esar importanta muzikal instrumento, remplasanta la viulo; Corelli, estimata kom docisto di la violino, havis importanta influo pri tekniko por la instrumento.

En sua kompozuri il establisis normi qui duris pos lua morto.

Ilua verki esis:

  • Op. 1: 12 trio-sonati (sonati por du violini e klavaro);
  • Op. 2: 12 trio-sonati;
  • Op. 3: 12 trio-sonati;
  • Op. 4: 12 trio-sonati;
  • Op. 5: 12 sonati por violino e klavaro;
  • Op. 6: 12 concerti grossi ("granda koncerto-peci") por kordeto-orkestro;
  • e kelka plusa kompozuri.

La concerto grosso Op. 6 No. 8 esas la maxim famoza de la grupo; konocata kom la Kristnasko-koncerto-peco, ol portas enskriburo Fatto per la notte di Natale (Facita por la nokto di Kristnasko). Ol esis komisata da muzikala patrono Kardinalo Pietro Ottoboni, ed esis unesmafoye pleata en 1690.

Le concerti grossi esis modelo por la 12 concerti grossi Op. 6 da Georg Friedrich Händel.

Trio-sonato: autografo di Corelli