Daniel Radcliffe
| Daniel Radcliffe kom Harry Potter | |||
|---|---|---|---|
|
|||
| Profesiono: | aktoro | ||
| Lando: |  Unionita Rejio |
||
| Nask-dio: | 23 di julio 1989 | ||
| Nask-loko: | London, Anglia | ||
Daniel Jacob Radcliffe (n. ye 1989) esas Angliana aktorulo, quon cinemo-regardisti rikonocas kom Harry Potter de filmi bazinda libri da J. K. Rowling.
Radcliffe naskis en Fulham, London, ed esas la sola filiulo di Alan Radcliffe e Marcia Gresham, qui esas familiara kun cinemo-mondo e ne volis ke sua filio divenas aktoro. Ma fortunoze li chanjis sua opiniono e Daniel aparis sur skreno en TV-versiono di David Copperfield - romano di Charles Dickens.
Ye 2000 Radcliffe esis selektita da kelka mil kandidati por plear Harry Potter en unesma filmo, Harry Potter e la stono di filozofo ("Harry Potter and the Philosopher's Stone" en Angla), quo joyis granda suceso. Duesma rolo di Radcliffe esis mikra rolo en "The Tailor of Panama", ma ca filmo esis pronta vere ante "Harry Potter", do olu divenis l'unesma cinemo-filmo kun Radcliffe quo atingis la skreno.
Ye 2001, 2004 e 2005 nexta filmi pri yuna mago kun Radcliffe kom Harry Potter venis aden cinemi en tota mondo, ed omni havis granda suceso e ganis granda pekunio. Radcliffe anke recevis bona salario, e kun banko-konto evaluita kom £23 miliono ilu esas maxim richa yunulo en Anglia.
En sua privata vivo Radclife lernas en Skolo di London, pleas baso-gitaro, joyas gitaro-muziko, esas fanatiko de futbalo-klubo Fulham Football Club e suportas multa karitati.
