Enrique Granados

De Wikipedio
Irez ad: pilotado, serchez
Enrique Granados en 1914

Enrique Granados (n. 27 di julio 1867, m. 24 di marto 1916) esis Hispaniana kompozisto.

Il naskis en Lleida, Katalunia; ilua patro Calixto Granados esis Hispana armeo-kapitano. Kom yunulo il studiis piano en Barcelona; de 1887 til 1889 il studiis en Paris kun profesoro di la konservatorio. Il debutis kom pianisto en Barcelona en 1890, atraktante la atenco di rejo Alfonso 13ma di Hispania.

Dum sequanta yari il ganis lokala suceso kom pianisto e kompozisto di lejera operi. Ilua maxim famoza verko esis le Goyescas por piano, qui esis impresuri di pikturi da Francisco de Goya; oli esis unesme pleata en Barcelona en 1911, ed en Paris en 1914.

Il skribis opero de la muziko en Goyescas; Granados voyajis a Nova-York ube ol esis pleata ye la opero-domo Metropolitan en januaro 1916, ed esis bone recevata. Il mortis ye 24 di marto 1916 en la Atlantiko dum la retro-voyajo, pos ke la navo frapesis da torpedo.