Porto

Porto Kelk imaji de Porto. Lando Portugal Latitudo 41º09' N Longitudo 8º38' W Altitudo 0 metri Surfaco 41,3 km² Lojanti (2008) 240,000 Lojanto-denseso 5 785 loj./km² Horala zono UTC+0 Urbestro Rui Rio Reto: http://http://www.cm-porto.pt Mapo

Porto (qua signifikas portuo en Portugalana) esas urbo en nordo di Portugal. Lua totala lojanti esis 240.000 ye 2008. Lua totala surfaco esas 41,3 km². Lua metropola areo (Granda Porto) havas 2089 km² e 1.679.854 lojanti ye 2007.

Gramatikala revizo bezonata

Ponto Dom Luís I, super Douro fluvio.

Centro di Porto, kun Aliados avenuo.

Clérigos turmo.

Porto esas centro di la maxim populoza urbala zono di Portugal e la nonesma plu granda en Europa. Porto esas savata kam Chef-urbo di Nordo o Nevinkita Urbo.

Porto esas vicina de Vila Nova de Gaia (en suda bordo di Douro fluvio).

Historio

Dum Romana periodo, la regiono di nuna Porto (kun nomo Portus Cale) developis kom komercala urbo inter Olissipona (nune Lisboa) e Bracara (nune Braga). Ye 711 ol esis invadita da Islamana mauri, de Nord-Afrika. Ye 868 rejulo Alfonso 3ma di Leon sendis komto Vímara Peres, sua vasalo, a rikonquestar la regiono de mauri. Kande Vímara Peres rikonquestis la regiono, ilu establisis l'unesma Portugalana komtio: Condado de Portucale.

Vino e alianco kun Anglia

Dum 13ma yarcento, komencis la transporto di vit-bero en Douro fluvio. Ye 1387 rejulo João 1ma di Portugal mariajis su kun Filipa di Lancaster, e politikala alianco di Portugalana reji kun Anglia komencis.

Ye 1703 Methuen-kontrakto establisis komercala relati inter Portugal e Anglia. Ye 1717 Angliani establisis unesma komercala posto en l'urbo.

Dum Napoleona invado en Portugal, Franciana trupi esis ekpulsita de Porto da Britaniana marshalo Arthur Wellesley, 1ma Duko di Wellington.

Nun

Ye 1958 e 1960, automobilo-kontesto okuris en la stradi di Porto. Ye 1996, UNESCO deklaris la centro di urbo Kulturala Heredajo di Mondo. Ye 2001, ol esis deklarita Europana Chef-urbo di la Kulturo.