Roald Amundsen

De Wikipedio
Irez ad: pilotado, serchez
Roald Engelbregt Gravning Amundsen
Nlc amundsen.jpg
Profesiono: explorero e deskovristo
Lando: Flag of Norway.svg Norvegia
Nasko-dio: 16 di julio 1872
Nasko-loko: Borge, Østfold, Norvegia
Morto-dio: 18 di junio 1928
Morto-loko: posible en la maro di Barents, Arktika oceano

Roald Engelbregt Gravning Amundsen (1872 til 1928) esis Norvegiana explorero, qua atingis Suda Polo ye 4 di decembro 1911.

Ye 31 di agosto 1906, en la navo Gjøa, il atingis la urbo Nome ye la litoro di Alaska; lo esis la fino di expediciono por trovar nord-westa pasajo de la Atlantiko a la Pacifiko. Tala voyajo esis antee probita da multa exploristi. La Gjøa departis de Kristiania (nuna Oslo) ye 16 di junio 1903. Plusa skopo di la expediciono esis trovar la norda magnetala polo ed observar la magnetala feldo dum longa periodo. La navo restis dum du yari an King William Island, nuna Gjøa Haven en norda Kanada, por prenar ta observadi, e por praktikar voyajado sur la vicina arktika tereno (quo divenis utila kande Amundsen esis en Antarktika). Ye 17 di agosto 1905 la navala voyajo rikomencis. Pos quar dii li pauzis ye Kabo Colbourne, qua esis ja atingita da navi de la westo; to signifikis ke la transiro esis sucesoza.