Turingia

De Wikipedio
Irez ad: pilotado, serchez
Freistaat Thüringen
Flag of Thuringia.svg Coat of arms of Thuringia.svg
Chef-urbo Erfurt
Deutschland Lage von Thüringen.svg
Totala surfaco 16,171 km²
Habitanti
Denseso di habitantaro
2,160,840 (2013)
130 hab./km²
Guberniestro Bodo Ramelow
Horala zono UTC+1
KLP (yaro) €49.87 miliardi (2010)
Reto www.thueringen.de

Turingia esas Germaniana stato. Ol recevis ta nomo en homajo a Turingii, tribuo qua okupis la regiono cirkum la yaro 300.

Bazala fakti pri Turingia.

Historio[redaktar | edit source]

Formaco di Turingia en 1920.

La regiono divenis landgravio en 1130. Pos Turingiana sucedo-milito (1247 til 1264) la westo di la regiono divenis nedependanta, sub la nomo di Hesia, e nulatempe pose ol divenis nove parto di Turingia. La majoritato di Turingiana teritorio falis sub l'administrado di Wettin-dinastio, e pose dividesis en multa Saxona dukii.

Turingia generale aceptis protestana reformo, e multa katolika kirki e monakeyi destruktesis. Anabaptisti facis multa sequanti en Mühlhausen ed altra urbi. Katolikismo nur transvivis en la regiono di Eichsfeld ed en Erfurt e lua vicina regiono.

Napoléon 1ma inkluzis Turingia en la Konfederuro dil Rheno en 1806. En 1815 Wien-kongreso konfirmis ta modifiko ed inkluzis parto di Turingiana stati en la Germana Konfederuro, e l'altra parto cedesis a Prusia, qua administris la regiono en la Provinco di Saxonia.

Turingiana dukii divenis parto di Germanian imperio en 1871. En 1920 la dukii extingesis ed unionesis por formacar Turingia, stato di Weimar-Republiko.

Pos duesma mondomilito Turingia divenis parto di Est-Germania til Germana riunigo en 1990.

Geografio[redaktar | edit source]

Lua klimato esas kontinentala, kun kolda vintri e sika someri.

Ekonomio[redaktar | edit source]

Pos la duesma mondomilito, urbi kom Gera, Zwickau, Chemnitz e Leipzig recevis industrii. Nune, la regiono di Weimar-Jena-Erfurt havas granda ekonomiala kresko.

Pos riunigo di Germania, Turingia recevis ekonomiala helpo e lia globala situo plubonigis. Opel havas fabrikerio di automobili en Eisenach.

Demografio[redaktar | edit source]

La katedralo di Erfurt.

La precipua urbi dil stato esas Erfurt, Gera, Jena, Weimar e Gotha.