Béla Bartók

De Wikipedio
Jump to navigation Jump to search
Béla Viktor János Bartók
Bartók Béla 1927.jpg
Profesiono: kompozisto
Lando: Flag of Hungary.svg Hungaria
Naskodato: 25 di marto 1881
Nasko-loko: Flag of Austria-Hungary (1869-1918).svg Austria-Hungaria
Mortodato: 26 di septembro 1945
Morto-loko: New York, Usa

Béla Viktor János Bartók (n. Bartók Béla 1881 til 1945) esis Hungariana klasik-kompozisto.

La Ligna Princulo[redaktar | redaktar fonto]

Ye 12 di mayo 1917 en Budapest, La Ligna Princulo, ilua pantomimo-baleto en un akto, esis unesmafoye pleata. La rakonto esis skribata da Béla Balász, poeto ed amiko di Bartók, qua anke skribis la libreto por La kastelo di la blua-barboza duko, ne-pleata opera skribata da Bartók en 1911. Pro la suceso di La Ligna Princulo, ca opero esis produktata en Budapest en 1918.

La kastelo di la blua-barboza duko[redaktar | redaktar fonto]

Ye la 24ma di mayo 1918 en Budapest, ilua opero A kékszakállú herceg vára (La kastelo di la blua-barboza duko) esis unesmafoye pleata. La origino di la libreto da Béla Balász esis Franca rakonto La Barbe bleue, pri violentema nobelo qua ocidas sua spozini; singla nova spozino esforcas evitar la fato di la antea. La longeso dil opero esas cirkume un horo; du karakteri (la duko e lua amorantino Judith) havas kantanta roli.

Lasta yari[redaktar | redaktar fonto]

Bartók ed ilua spozino livis Hungaria en 1940 e divenis rezidanti di New York. En Usa il esis konocata kom pianisto, ma il ne esis famoza kom kompozisto. Depos 1940, ilua saneso divenis sempre plu mala. Il kompozis kelka verki dum ca lasta yari: la Koncerto-peco por Orkestro, la Violino-sonato (skribita por Yehudi Menuhin) e la Piano-koncerto-peco no. 3.