Yehudi Menuhin

De Wikipedio
Salti al navigilo Irez a serchilo
Yehudi Menuhin
YehudiMenuhinStageDoorCanteen.jpg
Profesiono: muzikisto
Lando: Flag of the United States.svg UsaFlag of the United Kingdom.svg Unionita Rejio
Naskodato: 22 di aprilo 1916
Nasko-loko: New York, Usa
Mortodato: 12 di marto 1999
Morto-loko: Berlin, Germania
Retoloko: http://www.menuhin.org

Yehudi Menuhin (1916 til 1999) esis Britaniana violinisto naskinta en Usa.

Ilua genitori esis Judi de nuntempa Bielorusia. Dum ilua yuneso la familio rezidis en San Francisco, ed evante quar yari, il komencis plear la violino. Il unesmafoye donis koncerto kom solisto en 1923, kun la Simfonio-orkestro di San Francisco. Il vizitis Europa en 1926, e studiis kun la violinisti George Enescu ed Adolf Busch. De 1931 il facis sono-registri di violino-koncerto-peci.

En 1943 en New York il renkontris Béla Bartók; la sonato por violino, quan il komisis il kompozar, esas notenda verko de la lasta yari di Bartók.

En plu tarda yari Menuhin rezidis en Britania, ube en 1963 il fondis skolo por violinisti. Il mortis en 1999.