Bastia

De Wikipedio
Salti al navigilo Irez a serchilo
Bastia

Bastia (Korsikana: Bastìa) esas komono en la departmento Haute-Corse di Francia situita en la nordesto dil insulo Korsika ye la bazo dil peninsulo Cap Corse

Ol anke havas la duesma maxim alta habitantaro di irga komono sur la insulo dop Ajaccio ed esas la chefurbo dil regiono Bagnaja e dil departmento. Tamen, chomeso en la komono esas un ek la maxim alta en Francia, ye plu kam 20% en 2004.

Bastia esas la precipua portuo dil insulo ed olua precipua komercal urbo ed esas aparte famoza pro sua vino. La habitanti dil komono konocesas kom Bastiais o Bastiaises. Cirkume 10% de la habitantaro esas enmigrinti.

Geografio[redaktar | redaktar fonto]

Situita en la nordesto de Korsika ye la bazo di Cap Corse, inter la maro e la monto, Bastia esas la precipua portuo dil insulo. L'urbo situesas 35 km de la nordala pinto de Cap Corse, 50 km weste de Elba, italiana insulo, e 90 km de kontinental Italia qua esas videbla dum kelka dii de la yaro kande videbleso esas ecelanta.

Geografiale Bastia definesas da sua loko inter la maro e la monto, situita ye l'estala latero di "Serra di Pignu", 960 m alta monto. Ta eskarpa monto e plura kolini en l'urbo formizas reliefo tipala di Cap Corse. Pro ta remarkinda peizajo l'urbo developesis grandaparte en litorala bendo larja de c. 1,5 km.