Korsika

Corse Corsica Chef-urbo Ajaccio Oficala linguo Franca. Altra linguo: Korsikana Totala surfaco 8 680 km² Habitanti Denseso di habitantaro 326 898 (2015) 38 hab./km² Guberniestro Gilles Simeoni Horala zono UTC+1 UTC+2 dum la somero TNP (yaro) 8,17 miliardi € Reto www.corse.fr

Korsika esas insulo en Mediteraneo ed un ek la 13 regioni di Francia. Ol jacas weste de l'Italiana penisulo, sud-weste de kontinentala Francia e norde de Sardinia, insulo qua apartenas ad Italia.

Mem esante parto de la teritorio di Francia, ol titulizesas "ensemblo teritoriala" segun la lego Franca. "Ensemblo teritoriala" esas regiono kun plua autonomio politikala kam l'altra regioni di Francia, exemple la lokala legifala povo, l'Asemblajo Korsikana, anke havas limitizita exekutiva povi.

Bazala fakti pri Korsika.

Historio

Prehistoriala strukturi en Filitosa.

Korsika ja habitesis dum Mezolitiko. Prehistoriala populi de Sardinia trairis la Stretajo di Bonifacio (inter la du insuli) cirkume 9000 yari aK. Pos kurta okupeso da Kartagani, koloniigo dal anciena Greki ed okupeso dal Etruriani, ol divenis parto di la Romana Republiko pos l'unesma Punika milito, kune Sardinia. La yaro 260 aK ol divenis provinco di la Romana Republiko. An l'insulo produktesis mutoni, mielo, rezino e vaxo, ed exportacesis sklavi de ibe.