Batalio di Kursk

Batalio di Kursk
Tanki T-34 e Sovietian infantrio atakas en Kursk.
Konflikto:	Duesma mondomilito
Dato:	5ma di julio til la 23ma di agosto 1943
Loko:	Kursk, RSS Rusia, Sovietia
Rezulto:	Sovietiani vinkis e rekuperis 2.000 km-a teritorio. Germani perdis kapaceso pri atakar.
Militanti
Naziista Germania	↔	Sovietia
Komanderi
Erich von Manstein Günther von Kluge Hermann Hoth Werner Kempf Walter Model Otto Deßloch Robert Ritter von Greim	↔	Georgi Jukov Konstantin Rokossovsky Nikolai Vatutin Ivan Konev Sergei Rudenko
Trupi/equipuri
Operaco Citadelo: 780.900 soldati 2.928 tanki 9.666 pafili e bombardili Kontreatako Sovietiana: 940.900 soldati 3.253 tanki 9.467 pafili e bombardili 2.110 avioni	↔	Operaco Citadelo: 1.910.361 soldati 5.128 tanki 25.013 pafili e bombardili Sovietiana kontreatako: 2,5 milion soldati 7.360 tanki 47.416 pafili e bombardili 2792 til 3549 avioni
Perdaji
Operaco Citadelo: 54.182 soldati 252 til 353 tanki destruktita 600 til 1312 tanki domajita 159 avioni c. 500 pafili Sovietiana kontreatakado: c. 50 mil morti 134 mil vunditi c. 760 tanki destruktita 681 avioni	↔	Operaco Citadelo: 177.847 morti 1614 til 1956 tanki destruktita 459 til 1000 avioni Sovietiana kontreatakado: 254.470 mortinta, kaptita o desaparinta 608.333 vundita o malada 6.064 tanki ed atako-armi destruktita 1626 til 1961 avioni 5.244 pafili
{{{perdaji}}}

L'Estala fronto de februaro til agosto 1943.

La batalio di Kursk, anke nomizita Operaco Citadelo, esas la nomo di serio di kombati qui eventis de julio til agosto 1943 en la samnoma regiono di Rusia, dum la Duesma mondomilito. En la batalio, Germana armeo facis lua lasta atakado en l'estala fronto, ed uzis lua maxim multa tanki, lua maxim moderna armi, lua maxim bona infantrio e generali, kontre la trupi dil Reda Armeo de Sovietia.

Lua kodexo-nomo por la Germani esis Operaco Zitadelle (Citadelo), e konsideresas un ek la maxim granda infantriala batalii, e la maxim granda batalio inter tanki de la historio: cirkume 3 milion soldati, plua kam 6300 tanki e cirkume 4400 avioni uzesis dum la kombati.

L'atakado Sovietiana de la 12ma di julio til la 23ma di agosto 1943 esis l'unesma okaziono en ke la Reda Armeo vinkis Germani dum la somero. La batalio di Kursk esis importanta pro ke unesmafoye la taktiko Germana nomizita Blitzkrieg vinkesis ante ke ol povus ruptar l'enemika defensi, ed anke reprezentis triumfo di la strategio Sovietiana. La strategio e taktiki Sovietiana uzita en la batalio pose docesis en milital akademii.

Pos la vinko Sovietiana en Stalingrad, Reda Armeo komencis serio di atakadi qui koaktis Germani evakuar la nomizita "Armeo Grupo A", lokizita en Kaukazia, por timir ke ica trupi e l'avanposteno di Kuban restis izolita (to reprezentus dizastro plu granda por la Germani kam Stalingrad). Sovietiani troexplotis lia vinko, irante preter Harkiv, proxim la kazerno dil generalo Erich von Manstein en Zaporozhye, de ube repulsesis per kontreatako komandita dal sama generalo. Camaniere, Germani itere kaptis Harkiv. To kreis avanposteno Sovietiana kun centro en Kursk (videz triesma batalio di Kharkiv).

Hitler decidis destruktar l'avanposteno, e kredis ke Germania havis suficanta militala moyeni por itere iniciar ataki. Sovietiani deskovris Germana projeto e preparis defensi en l'avanposteno por unesme fatigar Germana trupi, e pose kontreatakar la trupi fatigita. La nomizita "Operaco Husky" (desembarko di Federiti en Sicilia) extingis omna esperi Germana, e l'"Operaco Citadelo" suspensesis.

En Kursk, Germani trouzis lia rezervi di tanki. La du armei perdis multa soldati, ma por Germania divenabis plu multe desfacila remplasar la perdaji. Kursk signifikis la komenco di la marcho Sovietiana vers Berlin.