Bavaria
| ||||||||||||||||||||||||||||||||||||||||||||||||||||||
.svg)
Bavaria, oficale Libera Stato Bavaria, esas la maxim vasta stato di Germania, jacanta sude de la lando. Lua surfaco totala, 70 549,4 km², reprezentas 1/5 de olta di Germania. Ol havas frontieri kun Chekia este, Austria sud-este e sude, Suisia sud-weste, e kun la stati Badenia-Wurtemberg weste, Hesia nord-weste, Turingia norde, e Saxonia nord-este. München, lua chef-urbo, esas la maxim grand urbo de la stato e la 3ma maxim grand urbo de Germania segun habitantaro.
Bazala fakti pri Bavaria.
Historio
[redaktar | redaktar fonto]L'unesma populo konocata qua habitis la regiono esis la Kelti de la kulturo La Tène. Romani okupis la regiono ante l'Ero Kristana, e fondis kolonii quale Raetia e Noricum. La centro di Romana administrado esis Castra Regina, nun Regensburg.
Dum la 5ma yarcento, Romani en Noricum e Raetia, sude de Danubio, subisis kreskanta preso de populi qui habitis norde de Danubio, komence Suebi. Franki konquestis la regiono dum la 6ma yarcento. De cirkume 554 til 788, dinastio Agilolfing guvernis dukio Bavaria, til ke duko Tassilo la 3ma revokesis da Karolus la Granda.
Bavaria enkorpigesis a Germana imperio en 1871. De 1806 til 1918 Bavaria esis rejio.
Pos la unesma mondomilito
[redaktar | redaktar fonto]Ye 6ma di aprilo 1919 en München, la Soviet-Republiko di Bavaria esis deklarata. To sequis periodo di anarkio en la stato depos la asasino en februaro 1919 di Kurt Eisner, ministro-prezidanto di Bavaria de novembro 1918. La prezidanto di la Soviet-Republiko esis dramatisto Ernst Toller, qua selektis des-apta personi kom membri di la guvernerio; ye 12ma di aprilo la Komunista partiso, duktita da Eugen Leviné, prenis povo. La republiko esis vinkata ye 3ma di mayo, da armeo di Johannes Hoffmann, chefo en Bamberg di rivala guvernerio en Bavaria.
