Boko Haram

De Wikipedio
Membri de Boko Haram mortigas viro en 2017.

Boko Haram, oficale Jamā'at Ahl as-Sunnah lid-Da'wah wa'l-Jihād (Arabe: جماعة أهل السنة للدعوة والجهاد, signifikanta "grupo di individui (praktikanti di) Sunnah, por Da‘wah (predikar Islamo) e Jihad") esas terorist-organizuro kun bazo en la nordo di Nigeria, ank aktiva en Chad, Nijer e nordala Kamerun. Ol fondesis en 2002 da Nigeriana teroristo Mohammed Yusuf, kun skopo "purigar" Islamo en la nordo di Nigeria. Ca grupo olim federis kun Islamala Stato, e divenis konocita pro sua brutaleso, e depos la revolto di 2009, ol mortigis dek di mili di personi, sive policisti, sive militisti, sive civili. Lua agado rezultis la morto di plu kam 300 mil pueri, la diplaso di 2,3 milion individui qui fugis de regioni okupita da la grupo, e segun statistiki ol esis la maxim mortigiva terorista grupo dum la duimo dil yari 2010a.