Campos do Jordão
| Campos do Jordão | ||
| ||
| Kelk imaji pri Campos do Jordão | ||
|
| |
| Standardo | Blazono | |
| Lando: |  Brazilia
| |
| stato: | Sao Paulo | |
Informo:
| ||
| Latitudo: | 22° 44' S | |
| Longitudo: | 45° 35' W | |
| Altitudo: | 1639 m | |
| Surfaco: | 290,31 km² | |
| Habitanti: | 52 713 (2021) | |
| Denseso di habitantaro: | 181,4 hab./km² | |
| Disto de Sao Paulo: | 173 km | |
| Horala zono: | UTC-3 | |
| Urbestro: | Marcelo Padovan | |
Mapo:
| ||
| ||
Oficala retosituo:
| ||
| www.camposdojordao.sp.gov.br | ||
Campos Do Jordão (pronuncez: Kampos do Jordao) esas urbo en Braziliana stato Sao Paulo. Segun statistiki dil yaro 2021, ol havis 52 713 habitanti. Lua tota surfaco esas 290,31 km².
Distanta 170 km este de la chef-urbo dil stato per la choseo Floriano Rodrigues Pinheiro, Campos do Jordão jacas super altitudo di 1600 metri, an la montaro Serra da Mantiqueira. Ye la 29ma di aprilo 1874, Mateus da Costa Pinto kompris tereni en la regiono, e ca dato konsideresas la fondo dil urbo. Ol separesis de São Bento do Sapucaí en 1934. Pos 1950, ol divenis importanta vintrala turistala centro Braziliana. Kelk ek lua edifici influesis arkitekturale da konstrukturi de sudala Germania e Suisia. Pro lua milda klimato, Campos do Jordão surnomizesis "Braziliana Suisia".
Geografio
[redaktar | redaktar fonto],_Campos_do_Jord%C3%A3o.jpg)
La reliefo di Campos do Jordão esas montoza, e lua centrala quartero jacas en streta valo inter monti de montaro Serra da Mantiqueira. La sideyo dil municipo jacas sur altitudo di 1628 metri, tamen la kulminopunto di vicina monti povas superirar 2000 metri super la marala nivelo. Parto ek lua originala vejetantaro restas prezervata en kelk arei.
Segun la klimatala klasifikuro da Köppen-Geiger, la klimato di Campos do Jordão esas tropikala, influata da altitudo (Cfb). L'urbo havas milda someri e kolda vintri. Dum la somero la mezvalora temperaturo esas infre 22°C. Dum la vintro, la temperaturi povas falar infre 0°C dum kelka dii, en julio ed en agosto. Rare nivis en la urbo, exemple en la yari 1928, 1942, 1947 e 1966.[1] La mezvalora yarala pluvo-quanto esas 1850 mm.
Ekonomio
[redaktar | redaktar fonto].jpg)
Lua precipua ekonomial agado esas turismo, pro lua milda klimato. Omnayare, dum la monato julio, eventas l'Internaciona Vintrala Festivalo di Campos do Jordão (Festival Internacional de Inverno de Campos do Jordão) kun spektakli e prizentadi di klasika muziko.
Ta festivalo komencis en 1970 kom asemblo por studenti di klasika muziko, qui renkontris kun altra studenti e profesori de diversa regioni di Brazilia en la urbo, por praktikar ensemble e perfektigar lia tekniki. Pos 1995, la prestijo dil festivalo kreskis exterlande, ed internaciona kantisti, exemple kantistino Kiri Te Kanawa e tenoro Roberto Alagna komencis prizentar su en l'urbo.
Referi
[redaktar | redaktar fonto]- ↑ Meteorologistas divergem sobre possibilidade de neve em Campos do Jordão - Autoro: Marcelo Bartolomei. Publikigita da Folha Online. Dato di publikigo: 21ma di julio 2000. URL vidita ye 31ma di marto 2010. Idiomo: Portugalana.