Duluth, Minnesota
| Duluth, Minnesota | ||
| ||
| La centro di Duluth e lua portuo, 2012. | ||
| Lando: |  Usa
| |
| Stato: | Minnesota | |
Informo:
| ||
| Fondita ye: | 1857 | |
| Latitudo: | 46°47'13" N | |
| Longitudo: | 92°05'53" W | |
| Altitudo: | 214 m | |
| Surfaco: | 226.4 km² | |
| Habitanti: | 86 265[1] (2010) | |
| Denseso di habitantaro: | 491.3 hab./km² | |
| Horala zono: | UTC-6 UTC-5 dum la somero | |
| Urbestro: | Emily Larson (DFL) | |
Mapo:
| ||
| ||
 • Duluth, MN | ||
Oficala retosituo:
| ||
| duluthmn.gov | ||
Duluth esas urbo en la komtio St. Louis, Minnesota, Usa. Segun la demografiala kontado di 2010, ol havis 86 265 habitanti. Ol esas marala portuo jacanta alonge Lago Superior. Lua nuna urbestro esas Emily Larson.
Duluth esas en la sama areo kam Superior, Wisconsin, e la du urbi nomesas Twin Ports, e la du havas la sama portuo.L'urbo anke havas internaciona aeroportuo.
Historio[redaktar | redaktar fonto]
L'urbo nomizesis pro Daniel Greysolon, Sieur du Luth, l'unesma exploristo en l'areo.
La fervoyo venis a l'urbeto dum la yari 1860ma. En januaro 1869 ol habitesis da nur 14 familii, ma dum la sama yaro plu kam 3.500 altra venabis a la regiono.
Geografio[redaktar | redaktar fonto]
Segun l'Usana Kontado Ministerio, l'urbo havas entote 226.2 km², equivalanta a 87.3 mi², di qui 176.1 km² (68.0 mi²) esas lando e 50.0 km² (19.3 mi², o 22.11% de la surfaco totala) esas aquo. Duluth esas la duesma maxim granda urbo di Minnesota segun la surfaco totala, dop Hibbing.
Demografio[redaktar | redaktar fonto]
Segun la demografiala kontado di 2000, rezidis en la urbo 86 918 homi, 35 500 hemanari e 19 915 familii. La denseso di habitantaro esis 493.4/km² (1,278.1/mi²). Esis 36,994 domi kun mezvalora denseso di 210.0/km² (544.0/mi²). Segun raso, esis 92.65% Blanki, 1.63% Negri o Mestici, 2.44% indijeni Amerikana, 1.14% Aziani, 0.03% Pacifik-insulani, 0.29% de altra rasi, e 1.82% de du o plura rasi, e 1.06% de la habitantaro esis Hispan-Amerikani o Latin-Amerikani de irga raso.
Esis 35,500 hemanari, di qui 26.6% havis pueri od adolecanti evante min kam 18 yari en la domo, 41.4% esis mariajita e habitis kune; en 11.4% muliero sen spozulo esis la domo-chefo, e 43.9% esis ne-familii. En 34.5% de omna hemanari vivis unika sola individuo, e 13.3% habitesis da singla individuo evante 65 yari o pluse. La mezvalora grandeso per hemanaro esis 2.26 personi e la mezvalora grandeso per familio esis 2.90 personi.
La procento di habitanti segun evo esis: 21.3% evante min kam 18 yari, 16.2% de 18 til 24 yari, 26.1% de 25 til 44 yari, 21.3% de 45 til 64 yari, e 15.1% evante 65 yari o pluse. La mezvalora evo esis 35 yari. Por singla 100 mulieri esis 93.4 viri. Por singla 100 mulieri evante 18 yari o pluse esis 89.7 viri.
La mezvalora revenuo per hemanaro en l'urbo esis $33.766, e la mezvalora revenuo per familio esis $46.394. La mezvalora revenuo por la viri esis $35.182 kontre $24.965 por la mulieri. La revenuo per capita por la urbo esis $18.969. Vivis sub la povreso-lineo 15.5% de la habitantaro e 8.6% de la familii, inkluzite 15.4% ek omna habitantaro evante min kam 18 yari, e 9.5% ek omna habitantaro evante 65 yari o pluse.
Famoza personi de Duluth[redaktar | redaktar fonto]
- Bill Berry
- Bob Dylan
- Lorenzo Music -- la voco di Garfield
- Gena Lee Nolin
- Phil Solem
- Don LaFontaine
- David Oreck
Referi[redaktar | redaktar fonto]
- ↑ American FactFinder. United States Census Bureau. URL vidita ye la 13ma di novembro 2012.