Europana Komisiono
La Europana Komisiono od Europana Komisitaro esas un ek la precipua institucuri di Europan Uniono, an la Konsilio di Europan Uniono, la Europana Parlamento e la Europana Konsilio.
Ol institucesis dal kontrato di Roma di 1957 (artikli 155 til 163), e konsistas ek un Europana komisionano por singla membra stato, t.e. 28 komisionani (o 27 pos la ekiro di Unionita Rejio). Lin propozas la statestri o chefministri dil membra stati, ed aprobas la Europana Parlamento.
_2019.07.16._Ursula_von_der_Leyen_presents_her_vision_to_MEPs_2_(cropped).jpg)
Lua nuna prezidanto esas la Germanianino Ursula von der Leyen. Lua sideyo jacas en Bruxel, en la edifico Berlaymont (an la angulo dil bulvardo Charlemagne e dil strado Loi).
La precipua rolo dil Europana Komisiono esas propozar ed exekutar la Europana politiki, ed anke protektar la Europana kontrati.
Kompetenteso[redaktar | redaktar fonto]
La artiklo 211 dil kontrato di Roma grantas al Komisiono tri precipua roli:
- protektanto dil Europana kontrati;
- propozanto dil Europana legi;
- exekutanto di Europana legi.
Ultre la Komisiono:
- negocias komercal interkonsenti e kontrati kun extera stati;
- facar la budjetala preprojeto;
- jeras la Europana subvencii.
La nuna kompetenteso dil Komisiono listigesas en la artiklo 17 dil kontrato pri Europan Uniono.
Konsisto[redaktar | redaktar fonto]
Funcionado[redaktar | redaktar fonto]
Decidala proceso[redaktar | redaktar fonto]
La Europana Komisiono havas monopolo pri iniciivo di la Europana legi. Nur olu propozas; pose diskutas e kundecidas la Konsilio di Europa Uniono e la Europana Parlamento. Tamen pri extera relati e sekureso la Europa Komisiono kunhavas iniciivo kun la Konsilio di Europana Uniono.
La Komisiono helpesas da generala sekretariato, 44 generala direkterii e speciala serverii. La generala direkterii konsultas lobii e nacional administracii por propozar legi.
Komunikado e lingui[redaktar | redaktar fonto]
La Europana Komisiono principe devas aplikar la linguala politiko di Europan Uniono. Tamen la laborala lingui dil Komisiono esas la Angla, Franca e Germana. Ma konstatesas, ke la Angla esas la precipua linguo uzata dal Komisiono.