Bruxel

De Wikipedio
Irez ad: pilotado, serchez
Bruxel
{{{Lokala_nomo}}}
TE-Collage Brussels.png
Kelk imaji pri Bruxel
Drapeau ville de Bruxelles.png Greater coat of arms of the City of Brussels.svg
Flago di Bruxel Blazono di Bruxel
Lando: Flag of Belgium.svg Belgia
Regiono: {{{Regiono}}}
{{{Tipodisubdividuro}}}: {{{Regiono2}}}
Informo:
Fondita en: {{{FonditaYe}}}
Fondita da: {{{FonditaDa}}}
Latitudo: 50º51'48" N
Longitudo: 4º21'09" E
Altitudo: 13 m
Surfaco: 32.61 km²
Habitanti: 166,497 (2013)
Denseso di habitantaro: 5,100 hab./km²
Disto de [[{{{Chefurbo}}}]]: {{{Distanco}}} km
Horala zono: UTC+1
Urbestro: Yvan Mayeur (PS)
Mapo:
Mapo di Bruxel
[[Arkivo:{{{DetalozaMapo}}}|250px||alt=]]
<div style="position: absolute; left:Expression error: Unrecognized punctuation character "{".px; top: Expression error: Unrecognized punctuation character "{".px;">o ←
Retosituo:
http://http://www.brussels.irisnet.be
L'historiala centro di Bruxel.

Bruxel (France: Bruxelles, Germane:Brüssel, Nederlandane: Brussel) esas chef-urbo di Belgia, e centro di la regiono di Bruxel-chefurbo, formacita entote da 19 komoni. Ol anke esas chef-urbo por la du komunesi, Franca e Flandriana.

Nune Bruxel esas la sideyo dil Europana Uniono, kun 22,000 funcioneri, do esas fakte la politikala chef-urbo di la Uniono.

Historio[redaktar | edit source]

L'origino dil nomo posible esas la vorto en anciena Germana linguo Broekzele o Broeksel quo signifikas "marsho" (broek) e "hemo" (zele / sel), o "hemo en la marsho".[1] L'origino dil urbo esis chapelo konstruktita da Santa Gaugericus cirkum la yaro 580 sur marshoza insulo an rivero Senne.[2] Santa Vindicianus, episkopo di Cambrai, mencionis unesmafoye la loko nomizita "Brosella" en 695,[3] kande ol esis nur un vilajeto.

L'urbo-domo sur la Grand-Place di Bruxel.

Dum la 13ma yarcento konstruktesis l'unesma muro dil urbo. Ye la 17ma di agosto 1356 Bruxel okupesis dal komtio di Flandria, ma la 24ma di oktobro ol riokupesis dal dukio di Brabant.

Ye la 10ma di marto 1585 Hispana trupi komandita da Alessandro Farnese okupis l'urbo, pos sufrar asiejo dum plu kam 1 yaro. Dum la Non-yara milito (1688 til 1697) Bruxel sufris bombardi da Franca trupi de la 13ma til la 15ma di agosto 1695. Cirkum 4,000 edifici - 1/3 del urbo - destruktesis pro la bombardo e pro la sequinta incendio, inkluzite la Granda Placo (Grand Place). La rikonstrukturo modifikis profunde l'urbo e multa modifiki de ta epoko kontinuas videbla nune.

Franci kapis l'urbo en 1746 ma Austriani rikaptis ol tri yari pose. L'urbo restis en la manui di Austri til 1795, kande Suda Nederlando okupesis dal Franci. Bruxel divenis chef-urbo dil Franca departmento di Dyle til 1815, kande ol unionesis a l'Unionita Rejio di Nederlando. L'anciena departmento di Dyle divenis la provinco di Suda Brabant, kun Bruxel kom lua chef-urbo.

L'avenuo Louise inauguresis en 1847

Referi[redaktar | edit source]

  1. Geert van Istendael Arm Brussel, uitgeverij Atlas, ISBN 90-450-0853-X
  2. Brussels History. City-data.com. URL vidita ye la 5ma di julio 2009.
  3. Jean Baptiste D'Hane, François Huet, P.A. Lenz, H.G. Moke (1837) - Nouvelles archives historiques, philosophiques, et littéraires - . Nouvelles archives historiques, philosophiques, et littéraires (en Franca). (Gent) C. Annoot- Braeckman.
Europana chef-urbi

Amsterdam · Andorra la Vella · Athina · Belgrade  · Berlin · Bern · Bratislava · Bruxel · Budapest · Bucarest · Dublin · Helsinki · Kiev · Chisinau · København · Lisboa · Ljubljana · London · Luxemburg · Madrid · Minsk · Monako · Moskva · Nikosia · Oslo · Paris · Podgorica · Praha  · Reykjavík · Riga · Roma · San Marino · Sarajevo · Skopje  · Sofiya · Stockholm · Tallinn · Tbilisi · Tirane · Vaduz · Valletta  · Warszawa · Vatikano · Wien · Vilnius · Yerevan · Zagreb