Stockholm

De Wikipedio
Jump to navigation Jump to search
Stockholm
Stockholm lead image.jpg
Kelk imaji pri Stockholm.
Stockholm vapen bra.svg
Blazono di Stockholm
Lando: Flag of Sweden.svg Suedia
Informo:
Latitudo: 59º21' N
Longitudo: 18º04' E
Altitudo: 15 m
Surfaco: 188 km²
Habitanti: 847.073 (2010)
Denseso di habitantaro: 4.505,7 hab./km²
Horala zono: UTC+1
Urbestro: Sten Nordin
• Stockholm
Oficala retosituo:
www.international.stockholm.se/
L'anciena urbo.

Stockholm esas chef-urbo di Suedia. Ol havis 847 073 habitanti en 2010. Lua totala surfaco esas 187,74 km².

Ol esas la sideyo di Sueda monarkio, di la parlamento e di la Supra Korto. La nuna Stockholm konstruktesis sur 14 insuli, qui konekesas per 57 ponti. Ol konocesas kom la nordala Venezia. Ol jacas ube lago Mälaren unionas su kun Baltiko.

Historio[redaktar | redaktar fonto]

Nacionala muzeo (Nationalmuseum) di Stockholm.

Tradicionale fondita dal Sueda barono Birger Jarl cirkume la yaro 1250, ma la habiteyo probable existis ante lore. La nomo forsan devenis de Sueda vorti stak (bayo) e holm (insulo).

Dum la 17ma yarcento Suedia esis important Europana povo, e to reflektis en la kresko dil urbo. De 1610 til 1680 la habitantaro multiplikesis per 6, ma en 1710 epidemio di pesto mortigis 20.000 personi, o 36% de lor habitantaro. Pos finir la Granda Nordala milito, l'urbo dekadis. Populo-kresko cesis e la kresko dil ekonomio diminutis. Tamen, l'urbo duris esar kulturala e politikala centro.

Pos la duimo dil 19ma yarcento l'urbo itere ganis importo. Nova industrii instalesis, e l'urbo divenis importanta centro por komerco e servadi. La habitantaro anke kreskis multe dum ta epoko, pro l'enmigro. Dum la fino dil yarcento, min kam 40% de la habitantaro naskabis en Stockholm. La vicina urbi anke komencis kreskar. Dum la 19ma yarcento multa kulturala institucuri instalesis en Stockholm, quale l'Instituto Karolinska (Karolinska Institutet).

En 1912 eventis l'Olimpiala Ludi en l'urbo. En 1998 ol elektesis Kulturala Chef-urbo di Europa. Stockholm havas cirkume 100 muzei, qui recevas milioni di viziteri omnayare. La precipua esas Nationalmuseum ("nacionala muzeo") qua kontenas la precipua artala kolektajo di Suedia: 16.000 pikturi e 30.000 objekti pri arto e mestiero.

Geografio[redaktar | redaktar fonto]

Aeral imajo pri Stockolm en 2007.

La reliefo di Stockholm esas plana, e konsistas ek 14 insuli qui esas parto dil Arkipelago di Stockholm. L'urbo jacas an la suda litoro di Suedia, ube l'aqui dil lago Mälaren ekfluas en Baltiko. Ek lua surfaco, 30% esas aquo ed altra 30% esas verda arei e parki. La geografiala centro del urbo jacas sur l'aquo.

La klimato dil urbo esas humida kontinentala (Dfb segun la klimatala klasifikuro di Köppen). Pro lua proximeso a la maro, lua mezavalora temperaturi esas milda kam altra regioni an la sama latitudo. La mezavalora temperaturo en februaro (vintro) esas -1,7°C, dum ke la mezavalora temperaturo en julio (somero) esas 18,8°C. Pro lua latitudo (preske 60°N) l'urbo recevas plua kam 18 hori di sunala lumo dum meza somero, e cirkume 6 hori di sunala lumo en decembro. Dum la vintro, la vetero esas nuboza kun pluvi o nivo de decembro til marto.

La mezavalora yarala pluvozeso esas 531 mm, e la maxim pluvoza monato esas julio, kun mezavalore 65 mm.

Panoramo pri Stockholm
Panoramo pri Stockholm
Ica seciono esas vakua, nesuficante detaloza o nekompleta. Vua helpo esas bonvenanta!
Chef-urbi di Europana landi

Amsterdam · Andorra la Vella · Athina · Belgrade  · Berlin · Bern · Bratislava · Bruxel · Budapest · Bucarest · Dublin · Helsinki · Kiev · Chisinau · København · Lisboa · Ljubljana · London · Luxemburg · Madrid · Minsk · Monako · Moskva · Nikosia · Oslo · Paris · Podgorica · Praha  · Reykjavík · Riga · Roma · San-Marino · Sarajevo · Skopje  · Sofiya · Stockholm · Tallinn · Tbilisi · Tirane · Vaduz · Valletta  · Warszawa · Vatikano · Wien · Vilnius · Yerevan · Zagreb