Olimpiala Ludi en Stockholm, 1912

De Wikipedio
Irez ad: pilotado, serchez
Afisho pri futbalo di l'Olimpiala Ludi, 1912.

L'Olimpiala Ludi en Stockholm, 1912, od oficale la 5ma Olimpiala Ludi, esis internaciona plursporta konkurso qua eventis en 1912 en Stockholm, Suedia. Unesma-foye partoprenis atleti de omna 5 kontinenti.

La Ludi komencis ye la 5ma di mayo e finis ye la 22ma di julio 1912. Partoprenis 2.407 atleti (48 mulieri e 2.389 viri) de 28 landi. Esis 102 eventi de 14 sporti. Suedia ed Usa ganis la maxim granda quanto de medalii. Entote Suedia recevis 65 medalii. Usa recevis entote 63 medalii, ma plu multa ora medalii kam Suedia: 25 ora por Usa kontre 24 ora por Suedia.

Selekto dil urbo[redaktar | edit source]

Ye la 6ma di mayo 1909 l'Olimpiala Komitato di Suedia prizentis preliminara skisuro pri l'Olimpiala Ludi en Stockholm. Segun la projeto, la tota kusto por organizar l'evento amontus a cirkume 415,000 Suediana Kroni, nune equivalanta a 48,000 Euri. La Sueda guvernerio, inkluzite la rejulo, aceptis ol.[1] Ye la 28ma di mayo dil sama yaro, l'Internaciona Olimpiala Komitato asemblesis en Berlin ed aceptis l'ofro da Stockholm, pro ke nula altra urbo prizentis kandidateso. Dum l'asemblo, Pierre de Coubertin opinionis ke «oportas prezervar l’atletala pureso di la Ludi; li mustas esar plu digna, plu diskreta, plu konforma a klasika ed artala postuli, plu intima e, precipue, plu chipa».[1]

Kande la selekto di Stockholm divenis konocota, la Sueda populo recevis l'informo kun entuziasmo. Viktor Balck, qua prizentabis la nomo di Stockholm a l'Olimpiala Komitato, elektesis prezidanto di l'organizanta komitato. Princulo Karl de Västergötland, responsanto pri la Sueda kavalrio, organizis personale la konkurso pri kavalk-arto.

Kelka fakti[redaktar | edit source]

Maratono dum la Ludi en Stockholm.
Britaniana futbal-esquado.
  • Natado e plunjado por mulieri eventis unesma-foye.
  • Unionita Rejio ganis la ora medalio por futbalo, Dania ganis l'arjenta, e Nederlando ganis la bronza.
  • 26 atleti de Australia e Nova-Zelando partoprenis en unionita esquado konocata kom Australazia.
  • Bohemia partoprenis l'Olimpiala Ludi lastafoye kom separita esquado, ma ne ganis medalio.
  • De la 5 ora medalii por kavalk-arto, Suedia ganis 4 e Francia 1.
  • En la konkurso pri kordo-tirado nur du esquadi partoprenis: l'esquado di la polico di Stockholm vinkis l'esquado di la polico di London.
  • En la 18 eventi pri pafado, Usa ganis 6 ora medalii e Suedia altra 6.

Medalii ganita[redaktar | edit source]

Landi partopreninta l'Olimpiala Ludi en 1912. Blue, la landi qui partoprenis unesmafoye.
Inauguro-ceremonio di l'Olimpiala Ludi en 1912.

Yen la listo di landi qui ganis adminime 1 bronza medalio en 1912.

# Lando Ora Arjenta Bronza Entote
1 Flag of the United States.svg Usa 25 19 19 63
2 Flag of Sweden.svg Suedia 24 24 17 65
3 Flag of the United Kingdom.svg Unionita Rejio 10 15 16 41
4 Flag of Finland.svg Finlando 9 8 9 26
5 Flag of France.svg Francia 7 4 3 14
6 Flag of Germany.svg Germania 5 13 7 25
7 Canadian Red Ensign 1868-1921.svg Kanada 4 2 0 6
8 Flag of Norway.svg Norvegia 4 1 4 9
9 Flag of Canada.svg Kanada 3 2 3 8
9 Flag of Hungary.svg Hungaria 3 2 3 8
11 Flag of Italy.svg Italia 3 1 2 6
12 Flag of Australasian team for Olympic games.svg Australazia 2 2 3 7
13 Flag of Belgium.svg Belgia 2 1 3 6
14 Flag of Denmark.svg Dania 1 6 5 12
15 Flag of Greece.svg Grekia 1 0 1 2
16 Flag of Russia.svg Rusia 0 2 3 5
17 Flag of Austria.svg Austria 0 2 2 4
18 Flag of the Netherlands.svg Nederlando 0 0 3 3
Totali 103 104 103 310

Referi[redaktar | edit source]

  1. 1.0 1.1 Olimpiala Komitato di Suedia (1913). The Official Report of the Olympic Games of Stockholm 1912 (en Angla). (PDF)