Vaduz

De Wikipedio
Salti al navigilo Irez a serchilo
Vaduz
Vaduz1.png
Peizajo di Vaduz.
Flag of Vaduz Liechtenstein.png Vaduz.png
Standardo Blazono
Lando: Flag of Liechtenstein.svg Liechtenstein
Informo:
Latitudo: 47º08' N
Longitudo: 9º31' E
Altitudo: 445 m
Surfaco: 17,3 km²
Habitanti: 5 521 (2017)
Denseso di habitantaro: 288 hab./km²
Horala zono: UTC+1
(UTC+2 dum la somero)
Urbestro: Ewald Ospelt
Mapo:
Mapo di Vaduz
Oficala retosituo:
http://www.vaduz.li
Vaduz.

Vaduz esas chef-urbo di Liechtenstein. Ol ank esas sideyo di la nacionala parlamento. Segun statistiki dil yaro 2017 ol havis 5 521 habitanti. Lua tota surfaco esas 17,3 km².

Malgre ke Vaduz esas la maxim konocita urbo dil princio, ol ne esas la maxim populizita: la vicina Schaan havas plusa habitanti.

L'urbo mencionesis unesmafoye en 1150. Dum la 17ma yarcento la familio Liechtenstein decidis aquirar nobelesotitulo, e pro to kompris la minuskula urbeto Schellenberg en 1669 e la teritorii di la nuna Vaduz en 1712. La du urbeti havis exakte la politikala stando bezonata: l'unika feudala sioro de la du esis l'imperiestro.

Per ta moyeno, ye la 23ma di januaro 1719 l'imperiestro Karl la 6ma dekretis l'uniono di la du urbi por formacar Fürstentum (princio) kun la nomo Liechtenstein. Ca dio, ol divenis suverena princio interne la Santa Romana Imperio. Tamen, dum 120 yari la princi di Liechtenstein nulatempe vizitis la princio.

Geografio[redaktar | redaktar fonto]

Centro di Vaduz.

La reliefo di Vaduz esas montoza, jacante apud la valo dil Rheno. La kulmino di la tri monti Drei Schwestern, vicina del urbo, jacas inter 2.048 e 2.053 metri super la marala nivelo. Ultre l'areo apud Rheno, l'urbo urbo havas altra 5 exklavi.

La klimato di Vaduz esas oceanala, kun dolca someri e kolda vintri. (Cfb segun la klimatala klasifikuro di Köppen). La mezavalora temperaturo en januaro (vintro) esas 0,7°C, kontre ke la mezavalora temperaturo en julio (somero) esas 19°C.

La mezavalora yarala pluvo-quanto esas 947 mm, e la maxim pluvoza monato esas agosto, kun mezavalore 142 mm.

Chef-urbi di Europana landi

Amsterdam · Andorra la Vella · Athina · Belgrade  · Berlin · Bern · Bratislava · Bruxel · Budapest · Bucarest · Dublin · Helsinki · Kyiv · Chisinau · København · Lisboa · Ljubljana · London · Luxemburg · Madrid · Minsk · Monako · Moskva · Nikosia · Oslo · Paris · Podgorica · Praha  · Reykjavík · Riga · Roma · San-Marino · Sarajevo · Skopje  · Sofiya · Stockholm · Tallinn · Tbilisi · Tirane · Vaduz · Valletta  · Warszawa · Vatikano · Wien · Vilnius · Yerevan · Zagreb