Tbilisi

De Wikipedio
Salti al navigilo Irez a serchilo
Tbilisi
Tbilisi 2015.jpg
Kelk imaji pri Tbilisi.
Flag of Tbilisi.svg Seal of Tbilisi, Georgia.svg
Standardo Blazono
Lando: Flag of Georgia.svg Gruzia
Informo:
Latitudo: 41°43' N
Longitudo: 44°47' E
Altitudo: 380 til 770 m
Surfaco: 726 km²
Habitanti: 1 171 100[1] (2019)
Denseso di habitantaro: 3194,38 hab./km²
Horala zono: UTC+4
Urbestro: Kakha Kaladze
Mapo:
Mapo di Tbilisi
Oficala retosituo:
www.tbilisi.gov.ge

Tbilisi esas chef-urbo e maxim populoza urbo di Gruzia. Ol havis 1 171 100 habitanti en 2019.

Historio[redaktar | redaktar fonto]

L'urbo fondesis cirkum la yaro 479 apud la rivero Mt'k'vari (Kura), dal rejulo Vakhtang la 1ma. Lua sucedinto, Dachi la 1ma Ujarmeli, transferis la chef-urbo dil rejio de Mtskheta a Tbilisi dum la komenco dil 6ma yarcento. Dum lua regno, Dachi kompletigis la konstrukto di murego por protektar l'urbo, qua prosperis pro esar apud la chosei qui ligis Europa ad Azia.

Tbilisi guvernesis dal Persiani de 570 o 580 til 627, kande l'armei Bizancana e Khazar spoliis ol. En 736-738, Arabi, komandita da Marwan la 2ma, invadis l'urbo ed instalis emirio. En 764, ankore sub dominaco Araba, l'urbo itere spoliesis dal Khazari. En 853, Arabi komandita da Bugha Al-Turki itere invadis Tbilisi, por koaktar la fideleso dil urbo a la kalifio Abbasid.

Tbilisi ank esis chef-urbo dil administrado di Kaukazo de 1844 til 1881, dum Rusa imperio, e di la Federala Demokratiala Republiko di Transkaukazia en 1918, di la Demokratiala Republiko di Gruzia de 1918 til 1921 e di la Republiko Socialista Sovietiana di Gruzia de 1921 til 1991.

Geografio[redaktar | redaktar fonto]

Tblisi, kun la fluvio Mt'k'vari.

La reliefo di Tbilisi esas komplexa. Ol cirkondesas dal montaro Saguramo adnorde, e da monti de la montaro Trialeti adsude ed adweste. L'altitudo dil urbo varias de 380 til 730 metri super la marala nivelo. An la sinistra rivo dil fluvio Mt'k'vari, la planajo esas extensa de 30 km, iranta de la quartero Avchala til la fluvio Lochini. An lua dextra rivo, la talusi de la montaro Trialeti esas obstaklo por la kresko dil urbo.

La klimato dil urbo esas subtropikala humida (Cfa segun la klimatala klasifikuro da Köppen), kun kontinentala influi de la sika venti de central Azia e Siberia, e de la humida venti de Atlantiko e Nigra maro. La mezavalora temperaturo en julio (somero) esas 24,5°C, kontre ke la temperaturo en januaro (vintro) esas -1,5°C.

La mezavalora yarala pluvo-quanto esas 517 mm, e la maxim pluvoza monati esas mayo e junio, kun mezavalore 84 mm single.

Referi[redaktar | redaktar fonto]

  1. Population by regions. NATIONAL STATISTICS OFFICE OF GEORGIA. URL vidita ye la 15ma di januaro 2019.
Chef-urbi di Europana landi

Amsterdam · Andorra la Vella · Athina · Beograd  · Berlin · Bern · Bratislava · Bruxel · Budapest · Bucarest · Dublin · Helsinki · Kyiv · Chisinau · København · Lisboa · Ljubljana · London · Luxemburg · Madrid · Minsk · Monako · Moskva · Nikosia · Oslo · Paris · Podgorica · Praha  · Reykjavík · Riga · Roma · San-Marino · Sarajevo · Skopje  · Sofiya · Stockholm · Tallinn · Tbilisi · Tirane · Vaduz · Valletta  · Warszawa · Vatikano · Wien · Vilnius · Yerevan · Zagreb