Folio-pinchilo

De Wikipedio
Irez a navigado Irez a serchilo

Folio-pinchilo esas plurafoye flexita metala filo per qua kelka folii de papero kurt-friste povas esar kolektita sen domajar la papero.

Historio[redaktar | redaktar fonto]

L'unesma folio-pinchilo esis la folio-pinchilo di Fay ed esis patentizit en 1867. Ca pinchilo existas de metala filo flexit a triangulo, ube ye la fini di la triangulo esas kelke plu longa. Depos ta epoko plura specala folio-pinchilo esas patentizita, exemple: la folio-pinchilo di Wright (1877), di Reeve (1897). La folio-pinchilo quale ni konocas ol esas la folio-pinchilo di Gem, qua patentizesis en 1927 da George F. Gritffiths.

Altra folio-pinchilo esas la pinchilo di Vaaler. Ol esis rektangulo, di qua la du fini esis paralel a la longa latero. La Norvegiana Johan Vaaler patentizis ol en 1899 e 1901, ma la mashino per qui oli produktesis, esis patentizita antee. Dum la Duesma Mondo-milito la folio-pinchilo esis la simbolo di la rezisto kande l'imaji de rejo Haakon VII interdiktesis da la Germani. Por honorizar Vaaler depos 1989 esas enorma statuo de folio-pinchilo en Oslo, qua mezuras 6 metri alte e pezas plu kam 600 kilogrami.