Freiburg im Breisgau
| Freiburg im Breisgau | ||
 | ||
| Katedralo di Freiburg im Breisgau. | ||
 |
 | |
| Standardo | Blazono | |
| Lando: |  Germania | |
| Stato: | Badenia-Wurtemberg | |
Informo: | ||
| Latitudo: | 40°59'0"N | |
| Longitudo: | 7°51'0"W | |
| Altitudo: | 278 m | |
| Surfaco: | 153,07 km² | |
| Habitanti: | 237 244 (2023) | |
| Denseso di habitantaro: | 1550 hab./km² | |
| Disto de Berlin: | 816[1] km | |
| Horala zono: | UTC+1 (UTC+2 dum la somero) | |
| Urbestro: | Martin Horn | |
Mapo: | ||
 | ||
Oficala retosituo: | ||
| https://www.freiburg.de | ||
Freiburg im Breisgau esas Germana urbo an la stato Badenia-Wurtemberg. Segun statistiki dil yaro 2023 ol havis 237 244 habitanti. Lua tota surfaco esas 153,06 km². Ol distas 25,6 km de Breisach am Rhein, an la frontiero kun Francia, ed 816 km de Berlin[1].
Jacanta sud-weste de Germania an la metropolala regiono "supera Rheno", apud rivero Dreisam e proxim la bordo dil Nigra Foresto, ol historiale esis episkopio ed universitatala urbo. L'Universitato di Freiburg, fondita en 1457, esas un ek la maxim anciena di Germania.
L'urbo ank esas eniro-punto por turisti qui deziras vizitar Nigra Foresto. Ol anke konocesas kom "ekologial urbo": em 1996, qua determikas ke nova konstrukturi mustas obediar parametri por diminutar konsumo di energio.
Geografio
[redaktar | redaktar fonto].jpg)
La reliefo di Freiburg im Breisgau esas plana an la quarteri este del urbo, e kolinoza an lua centro e sudo, proxim Nigra Foresto. Sud-este, jacas Schauinsland, montoza regiono qua atingas 1284 metri di altitudo, la maxim grand altitudo interne la municipo. Lua mezavalora altitudo esas 278 metri super la marala nivelo.
La klimato dil urbo esas temperema oceanala (Cfb segun la klimatala klasifikuro da Köppen), malgre ke existas klimatala diferi interne dil urbo. Plana regioni esas plu varma e sika kam montoza regioni. La maxim varma monati esas julio (mezavalore 20,8°C) ed agosto (mezavalore 20,5°C) dum somero, kontre ke la mezavalora temperaturo en januaro (vintro) esas 2,9°C. La maxim varma temperaturo ulafoye enrejistrita en la urbo esis 40,2°C, ye la 13ma di agosto 2003, kontre ke la minima temperaturo historiale enrejistrita esis −21,6°C, ye la 10ma di februaro 1956.
La mezavalora yarala pluvo-quanto esas 877,9 mm, e la maxim pluvoza monato esas mayo, kun mezavalore 103,4 mm. Ordinare falas 7,8 centimetri di nivo omnayare.
Referi
[redaktar | redaktar fonto]- 1 2 Entfernung zwischen Freiburg im Breisgau und Berlin - URL vidita ye 1ma di decembro 2018. Idiomo: Germana.