Geordie
"Geordie" (pronuncez: joodi) esas nomo por persono de la regiono Tyneside di Nordest-Anglia, e la linguo parolata da olua habitanti. La termino anke uzesas por referar irgu de Nordest-Anglia.
"Geordie" esas pluduro e developuro di la linguo parolita dal Anglo-Saxona koloniani, unesme uzita dal anciena Britoni por kombatar la Pikta invadanti pos la fino dil Romana regno en Britania dum la 5ma yarcento.
L'Anciena Angli, Saxoni e Juti qui arivis, divenis influiva politikale e kulturale super l'indijena Britoni per posa migro de tribuala hemlandi alonge la Norda-Marala litoro di Europa. L'Anglo-Saxona rejii qui emersis dum la Tenebroz Epoko parolis grandaparte interkomprenebla varianti dil Ancien Angla, singla variinta kelke segun fonologio, morfologio, sintaxo e lexiko.
En nordal Anglia e la Skota frontieri, lore dominacita dal rejio di Northumbria, developesis distinta Northumbriana dialekto dil Ancien Angla. Pose irlandana enmigranti influis Geordie-fonologio de la frua 19ma yarcento.
La vorto "Geordie" povas anke referar suportero dil futbalo-klubo Newcastle United. La glaso 'Geordie Schooner' tradicionale uzesis por servar la lokala biro-sorto Newcastle Brown Ale.
La dialekto ed identeso di Geordie precipue asociesas kun la laboristala klasi. Segun jurnalo-inquesto di 2008, la Geordie-acento esas la "maxim atraktiv en Anglia".