Getto en Yeziarishcha

De Wikipedio
Memorialo pril getto de 1964...
...e de 2007.

Getto en Yeziarishcha esis de autuno di 1941 til februaro 1942 parto dil urbeto (nun kolonieto urbaltipa) Yeziarishcha (provinco Viciebsk, distrikto Haradok), a qua on force diplasesis Judi del loko e la proxima altra dum okupado di Bielorusia da nazista Germania dum duesma mondomilito. Ico eventis kom parto di nazista sistemo di exterminado di Judala habitantaro.

Nazisti okupis Yeziarishcha de la 17ma di julio 1941 til 19ma di decembro 1943.

Ye frua autuno 1941 opoze a staciono ferovoyala nazisti fondis getto – 4 domi. Precoza aji di Judi prenesis da policisti. Inter la karcerani esis ank fugeri de alta regioni, inter altri de Polonia.

La homi mortadis pro hungreso, koldeso e maladesi.

La Judi mustis force laborir omnadie esinte batita e humiligita da nazista soldati e policisti. Inter altri, la karcerani descharjis varovagoni sur la staciono.

En decembro di 1941 nazisti mortigis mulieri, pueri e olda homi.

En februaro 1942 la getto exterminesis. 150 Judi duktesis nord-weste de Yeziarishcha a frue preparita truo. Ibe ili mortigesis da bobiki (tale desestimanta lokala habitanti nomis policisti) e nazistala kunlaboreri lokala. Inter altri Maso Frida Lvovna kun sua puero sur manui, qua frue esis doktorino. Elua lasta vorti esis: Bona homi, helpez. Me sempre helpis vi..

Inter kunlaboreri di nazisti esis multe lokala homi. Un de ili esis Pawliuchenka, qua mortigis ipse sua landani, kaptesis le 1960.