Giuseppe Verdi

De Wikipedio
Giuseppe Verdi
Profesiono: kompozisto di opero
Lando: Italia
Naskodato: 10 di aprilo 1813, 10 di oktobro 1813, 9 di oktobro 1813
Nasko-loko: Le Roncole, Parma, Italia
Mortodato: 27 di januaro 1901
Morto-loko: Milano, Italia
Retoloko: http://www.verdi.san.beniculturali.it

Giuseppe Fortunino Francesco Verdi (1813 til 1901) esis un de la maxim konocita Italiana kompozisti di opero.

Il Trovatore[redaktar | redaktar fonto]

Ye la 19ma di januaro 1853 la opero Il Trovatore da Giuseppe Verdi esis unesmafoye pleata, en Roma. La evento esis sucesoza e la lasta akto esis iterata. Arii de la opero balde divenis populara. La fonto esis la dramato El Trovador da Antonio Garcia Gutiérrez. La libreto por la opero skribesis da Salvatore Cammarano, qua skribabis la libreto di opero da Gaetano Donizetti, Lucia di Lammermoor, e ja skribabis plura libreti por Verdi. Cammarano mortis en 1852, la libreto esante preske kompleta. La rakonto di la opero retenas la komplexeso di la originala dramato.

Simon Boccanegra[redaktar | redaktar fonto]

Ye la 12ma di marto 1857 en Venezia, ilua opero Simon Boccanegra esis unesmafoye pleata. La fonto esis la dramato Simón Bocanegra (1843) da Antonio García Gutiérrez, da qua la dramato El Trovador esabis la fonto di Il Trovatore. La intrigi en la rakonto di Simón Bocanegra esis komplexa, e la opero ne esis sucesoza; pos plura yari, Verdi laboris kun libretisto Arrigo Boito por krear nova versiono, qua esis unesmafoye pleata en 1881 en Milano. Ca esas la versiono nuntempe kustumale pleata.

La forza del destino[redaktar | redaktar fonto]

Ye la 27ma di februaro 1869 en La Scala en Milano, ilua opero La forza del destino esis unesmafoye pleata en versiono qua pose esis definitiva. La libreto esis fondata sur la Hispana dramato Don Álvaro o la fuerza del sino (1835), da Ángel de Saavedra, 3ma Duko di Rivas. La unesma pleado dil opero eventis en Sankt Petersburg en 1862; ol pose aparis en altra Europana urbi, anke en New York e Buenos Aires, e modifiki facesis. La versiono di 1869 inkluzis nova uverturo, qua nuntempe esas ofte pleata en orkestrala koncerti.

Aida[redaktar | redaktar fonto]

Ye la 24ma di decembro 1871, en Kairo, ilua opero Aida, lokizita en anciena Egipta rejio, esis unesmafoye pleata. Ol esis komisita da la Khediv di Egiptia por la rejala opero-domo. Ol esis intencita por celebrar l'aperto di la domo, ma la cenaji e kostumi por la produkturo, facita en Paris, ne povis atingar Kairo pro la Francia-Prusia milito; do l'unesma opero vidita en la domo, ye 1 novembro 1869, esis Rigoletto da Verdi. La tardigita unesma pleado di Aida esis sucesoza. Olua unesma pleado en Italia eventis ye la 8ma di februaro 1872 en La Scala, Milano.

Muziko[redaktar | redaktar fonto]

Beniamino Gigli, Celeste Aïda, forma divina, libreto da Ghislanzoni