Heinz Guderian

De Wikipedio
Irez a navigado Irez a serchilo
Heinz Guderian
Heinz Guderian portrait.jpg
Profesiono: militisto
Lando: Flag of Germany.svg Germania
Naskodato: 17 di junio 1888
Nasko-loko: Kulm
(lor en Germania, nun en Polonia)
Mortodato: 14 di mayo 1954
Morto-loko: apud Füssen

Heinz Wilhelm Guderian (1888 til 1954) esis Germaniana militisto dum la duesma mondomilito. Il esis adepto e pioniro di la milito-tekniko konocata kom "blitzkrieg".

Biografio[redaktar | redaktar fonto]

Guderian helpis developar milito-tekniko konocata kom "blitzkrieg".

Naskinta en Kulm, Est-Prusia, en 1907 il engajis su en German armeo kom kadeto en la 10ma Bataliono di Hannover, komandita da lua patro. En 1910 ilu promocesis a duesma-lietnanto. En 1913 ilu mariajis Margarete Goerne, e havis du filiuli kun el. Un ek lua filiuli, Heinz Günther, divenis importanta Germana generalo en Bundeswehr (l'armeo di West-Germania) e NATO.

Dum l'unesma mondomilito ilu komandis radio-brodkasterio, ed en novembro 1914 ilu promocesis ad unesma-lietnanto. Ilu deskonkordis kun l'armistico di 1918, nam ilu kredis ke Germana imperio mustis durigar la milito. Pos finir la milito, ilu esis un ek la 4 mil oficiri quin Germania povis mantenar por interna defenso. Ilu lektis e tradukis multa militala teoriisti e divenis milital instruktisto en Stettin. En 1936 ilu publikigis Achtung – Panzer! ("Atencez – Kuras-veturi!"), bazo por la doktrino pri fulmin-milito (blitzkrieg).

Dum la duesma mondomilito il unesme servis quale komandinto di la 19ma armeala korpo, lor kampanio di invado di Polonia en septembro 1939, e l'invado di Francia en 1940. Ilu kapitulacis ad Usan armeo ye la 10ma di mayo 1945. Depos la Duesma mondomilito Frick judiciesis en la judicii di Nürnberg, e restis enkarcerigita til 1948, kande ilu liberigesis sen akuzi.