Hummingbird (muzikgrupo)
Hummingbird esis britana "rock"-grupo, formacita en 1974 da Bobby Tench, olima membro di la Jeff Beck Group e le Streetwalkers.
Hummingbird registragis tri sucesoza albumi, editita dal kompanio A&M kun Ian "Sammy" Samwell kom disko-produktisto. La originala muzikistaro inkluzis membri dil duesma Jeff Beck Group, kantisto e gitaristo Bobby Tench, klavaristo Max Middleton, basisto Clive Chaman, tamburisto Conrad Isidore e duesma gitaristo Bernie Holland. Fine dil sesioni por lia unesma albumo Jeff Beck kunpleis dum kurta periodo, ma il ne kontributis al albumo e livis por laborar pri sua propra projeto.
Pos la unesma albumo Bernie Holland remplasesis da gitaristo Robert Ahwai, e tamburisto Bernard "Pretty" Purdie remplasis Isidore por la nexta* du albumi; kantisti Madeline Bell e Liza Strike enduktesis por komplementizar la grupo.
Hummingbird esis sucesoza precipue en Usa, ma anke en Europa e Japonia.
Diskografio
[redaktar | redaktar fonto]Albumi di ateliero
[redaktar | redaktar fonto]- Hummingbird (1974)
- We Can't Go On Meeting Like This (1975)
- Diamond Nights (1977)
Single-i
[redaktar | redaktar fonto]- "For the Childrens Sake" /"You can keep your money" A&M AMS 7193 (1975)
- "Trouble maker"/"Gypsy Skies" A&M AMS 7254 (1976)
- "Madatcha"/"Anna's song" A&M AMS 7325(1977)