Huti

Flago di Huti-tribuo. Ol dicas:
Allah esas la maxim granda
morto ad Amerika
Morto ad Israel
Malediko por la Judi
Vinko por Islamo

Dum protesto kontre Saudi-Arabiana bombardi en Sanaa en 2015, demonstranti portas standardo di le Huti.

Situaciono di Yemen en oktobro 2022. Verde, arei kontrolita da le Huti. Rozee, arei kontrolita da Yemenana guvernerio. Blanke, arei kontrolita da Al-Kaida

Huti (plurale: le Huti) esas shia (zaydista) tribuo en Yemen, di qua membri prenis plaso en la rebela grupo Ansar Ala (helpanti di deo) qua luktas kontre la centrala guvernerio di Yemen. Pro la granda nombro de Huti-rebeli en Ansar Ala la grupo esas plu bone konocata kom le Huti. Le Huti okupas la nordo di Yemen (la chefurbo Sana) e la provinco Sa'da. La nordala guvernerio di le Huti nur esas agnoskata da Iran.

Konjektesas ke Iran suportas la lukto di le Huti.

Ante 1962, nordala Yemen esis imamio di zaydistal imamo e rejo Yaya Muhamad Hamid ad-Din: la rejio Yemen (1918-1962). Pos kunfuzo di Nord-Yemen kun Sud-Yemen vivo-cirkonstanci di la zaydisti maleskis. En 1992, la grupo Kredanta Yunaro komencis organizar aktivaji por la yunaro. Pos la milito di Irak (2003) la grupo manifestis kontre Usa (ed Israel). Prezidanto Sale invitis Badredin al-Huti por dialogo, quan ilta refuzis. Prezidanto Sale volis arestar ed enkarcerigar lu. La morto di al-Huti en 2004, produktis granda revolto di la yunarala grupo, qua adoptis la nomo le Huti.

Depos l'ataki da Israel (kom reakto ye l'atako da Hamas) la 7ma di oktobro 2023, le Huti defensas la Palestinani per lansar fuzei ed arm-dronei ad Israel ed (Israelana) navi en la Reda Maro.

Nokto-meze la 12 ma di januaro 2024 Unionita Rejio ed Usa bombardis militala skopi di le Huti por avertar li cesar atakar (komercala) navi en la Reda Maro. Plura skopi frapesis, interaltre en l'urbo Sana e portuo di Hodeida.