Jan Timman
| Jan Timman | ||
 | ||
| Profesiono: | shakoludisto | |
| Lando: |  Nederlando | |
| Naskodato: | 14 di decembro 1951 | |
| Nasko-loko: | Amsterdam, Nederlando | |
| Mortodato: | 18 di februaro 2026 | |
| Morto-loko: | Arnhem | |
Jan Timman(pron.: yan-timan; n. Amsterdam la 14ma di decembro 1951 - m. Arnhem, la 18ma di februaro 2026) esis Nederlandana shakoludisto.
Il dek-dufoye partoprenis en shakoludo-olimpiadi ganinte en 1976 arjenta medalo esquadale e ora medalo individuale.
En 1986 Timman partoprenis en turniro di pretendanti e perdis kontre Artur Yusupov. En 1987 il vinkis kontre Valeri Salov, Lajos Portisch e Jonathan Speelman, ma en finalo perdis kontre Anatoli Karpov.
En 1991, pos vinkar kontre Robert Hübner, Viktor Korchnoi e Artur Yusupov, itere ludis il en finalo di turniro di pretendanti perdante kontre Nigel Short. Short ludis en 1993 konkurso pri championeso kontre Garri Kasparov exter FIDE, do l'organizuro desqualifikis finalisti e organizis oficala finalo Timman – Karpov. Vinkis Anatoli Karpov 12½:8½. En nexta turniro Timman perdis en mifinalo kontre Valeri Salov.
Il havas titulo grand-mastro (GM) de 1970.
Sua maxim granda rango Timman ganis en yaro 1990 – 2680, 3ma pozeso en la mondo, dope Garri Kasparov e Anatoli Karpov.
Segun datumi di FIDE por septembro 2024 Jan Timman esis (kun grado 2530) 445ma shakoludisto dil mondo[1].
Dostoyevski
Timman esis granda konocero di la Rusiana skriptisto Dostoyevski, il ofte diskursis pri lu.
Referi
[redaktar | redaktar fonto]- ↑ FIDE – International Chess Federation - Publikigita da ratings.fide.com. URL vidita ye 21ma di septembro 2024. Idiomo: Angla.