Artur Mayakovich Yusupov
| Artur Mayakovich Yusupov | ||
| ||
| Profesiono: | shakoludisto | |
| Lando: |  Soviet-Uniono Usa
| |
| Naskodato: | 13 di februaro 1960 | |
| Nasko-loko: | Moskva, RSS Rusia, Soviet-Uniono | |
| Retoloko: | http://www.jussupow.de/index2.html | |
Artur Mayakovich Yusupov[1] (n. ye la 13ma di februaro 1960) esis Sovietiana, Rusiana e (de 1992) Germaniana shakoludisto.
Artur Yusupov esis lernanto di famoza skolo di Mihail Botvinnik. En 1977 ganis il titulo mondala championo di juniori.
En 1986 Yusupov en quarimfinolo dum turniro di pretendanti en Minsk vinkis kontre Jan Timman (6:3), ma en mifinalo perdis kontre Andrei Sokolov (6½:7½).
En 1988 Artur Yusupov ganis 3ma pozeso en 50ma championeso di Soviet-Uniono en Moskva, dope Garri Kasparov e Anatoli Karpov.
En 1989 itere il ludis en turniro di pretendanti en mifinalo perdinte kontre Anatoli Karpov 3½:4½. En nexta turniro en 1991 vinkis en quarimfinalo kontre Vasil Ivanchuk, ma perdis en mifinalo kontre Jan Timman 4:6.
En 1994 il perdis kontre Viswanathan Anand (2½:4½) en quarimfinalo di FIDE-turniro di pretendanti e to esis ilua lasta evento sur tal alta nivelo.
Yusupov partoprenis kinfoye en shakoludo-olimpiadi reprezentinte Soviet-Uniono (ganis 5 ora medali esquadale), e kinfoye ludis por Germania (arjenta medalio en 2000 esquadale).
Sua maxim granda rango Yusupov ganis ye la 1ma di junio 1995 – 2680, 10ma pozeso en la mondo, e en 1987 il havis sua maxim alta pozeso – 3ma (rango 2660), dope Garri Kasparov e Anatoli Karpov.
Segun datumi di FIDE por septembro 2024 Artur Yusupov esis (kun grado 2559) 407ma shakoludisto dil mondo[2].
Il havas titulo grandmastro (GM) de 1980.
Referi
[redaktar | redaktar fonto]- ↑ Propra nomi relatanta a Rusa linguo esas rezulto di Idala latinigado, do li esas plene lektebla en Ido.
- ↑ FIDE – International Chess Federation - Publikigita da ratings.fide.com. URL vidita ye 22ma di septembro 2024. Idiomo: Angla.