Andrei Yuryevich Sokolov (Franciana shakoludisto)
- Por altra loki nomizita 'Andrei Yuryevich Sokolov', videz Andrei Yuryevich Sokolov (homonimo).
| Andrei Yuryevich Sokolov | ||
| ||
| Profesiono: | shakoludisto | |
| Lando: |  Soviet-Uniono Rusia Francia
| |
| Naskodato: | 20 di marto 1963 | |
| Nasko-loko: | Vorkuta, RSS Rusia, Soviet-Uniono | |
| Retoloko: | http://a.sokolov.free.fr | |
Andrei Yuryevich Sokolov[1] (n. ye la 20ma di marto 1963) esis Sovietiana, Rusiana e (de 2000) Franciana shakoludisto.
Andrei Sokolov kom 12-evulo lernis en famoza skolo di Mihail Botvinnik, e ilua unesma suceso esis championeso di Moskva en 1981.
En 1984 en Lviv Sokolov divenis championo di Soviet-Uniono. En turniro di pretendanti en 1986 Sokolov vinkis en Minsk kontre Rafael Vaganian (quarimfinalo) 6:2 ed en mifinalo (Rīga) kontre Artur Yusupov 7½:6½. En finalo en 1987 tamen perdis kontre Anatoli Karpov.
En turniro di pretendanti en 1988 il perdis ja en 1ma fazo kontre Kevin Spraggett 5½:6½.
Sokolov partoprenis dufoye en shakoludo-olimpiadi reprezentinte Soviet-Uniono (ganis 2 ora medali esquadale en 1984 e 1986) e dufoye reprezentinte Francia (2002 e 2006).
Sua maxim granda rango Sokolov ganis ye la 1ma di januaro 1987 – 2645, 3ma pozeso (kune Artur Yusupov) en la mondo, dope Garri Kasparov e Anatoli Karpov.
Segun datumi di FIDE por septembro 2024 Andrei Sokolov esis (kun grado 2454) 1026ma shakoludisto dil mondo[2].
Il havas titulo grandmastro (GM) de 1984.
Referi
[redaktar | redaktar fonto]- ↑ Propra nomi relatanta a Rusa linguo esas rezulto di Idala latinigado, do li esas plene lektebla en Ido.
- ↑ FIDE – International Chess Federation - Publikigita da ratings.fide.com. URL vidita ye 22ma di septembro 2024. Idiomo: Angla.