Viktor Lvovich Korchnoi
| Viktor Lvovich Korchnoi | ||
| ||
| Profesiono: | shakoludisto | |
| Lando: |  Sovietia Suisia
| |
| Naskodato: | 23 di marto 1931 | |
| Nasko-loko: | Leningrad, RSS Rusia, Soviet-Uniono | |
| Mortodato: | 6 di junio 2016 | |
| Morto-loko: | Wohlen, Suisia | |
Viktor Lvovich Korchnoi[1] (n. ye la 23ma di marto 1931 – m. ye la 6ma di junio 2016) esis Sovietiana e Suisiana shakoludisto, duopla vice-championo dil mondo (1978 e 1981).
Il havis titulo grandmastro (GM) de 1956.
En le 1960 Korchnoi quarople ganis titulo di championo di Soviet-Uniono. Ank reprezentis ca lando dum ses shakoludo-olimpiadi ganinte kune altra membri di esquado ses ora medalii. En 1962 il partoprenis en turniro di pretendanti, quan vinkinto ludus pri championeso kontre prezenta championo. Ilua pozeso esis 5ma, e vinkis Tigran Petrosyan, qua pose divenis nova championo vinkinte kontre Mihail Botvinnik. En 1968 en konkursi di pretendanti vinkinte kontre Samuel Reshevsky e Mihail Tal il perdis kontre Boris Spasski, qua pose divenis nova championo vinkinte kontre Tigran Petrosyan. En 1974 Korchnoi itere esis finalisto di konkurso di pretendanti, ma perdis kontre Anatoli Karpov, qua divenis nova championo pro rezignar pri defenso di sua titulo da Bobby Fischer. Viktor Korchnoi konsideresis da Sovietiana shakoludo-federura kom ludanto ne perspektiva e plu promocis sua yuna championi. Korchnoi sentis dicernita e en 1976 aplikis por politikala azilo en Nederlando. Pose il viveskis en Suisia, ube rapide recevis civitaneso di ta lando. En 1977 en konkursi di pretendanti vinkis kontre Tigran Petrosyan, Lev Polugayevski e (en finalo) Boris Spasski. Do en 1978 47-yara Korchnoi ludis kontre Anatoli Karpov pri championeso. Il minimale perdis (5:6) en ne-bona atmosfero, sub forta preseso e kun mutuala akuzi. "Milito psikologikala" inter stabi di amba ludinti havis efekto en relati personala dil finalisti. En 1981 pos vinko en finalo di konkurso di pretendanti kontre Robert Hübner itere ludis il pri chmapioneso kontre Anatoli Karpov. Pos tre kontestebla nervala konkurso facile vinkis Karpov 6:2. Sub preseso di Sovietiana shakoludo-federo en amba chmapioneso-finali Korchnoi ne reprezentis nek Suisia nek altra lando. Pri ti finali en 1990 Viktor Korchnoi skribis libro sub titulo Anti-shakoludo. En pos-Sovietiana tempi relati inter Korchnoi e Karpov korektigis, mem ludis ili en sam esquado di Chelyabinsk Sudala Ural en Rusiana turniro.
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | Vinko-punti | Punti totale | |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Anatoli Karpov | = | = | = | = | = | = | = | 1 | = | = | 0 | = | 1 | 1 | = | = | 1 | = | = | = | 0 | = | = | = | = | = | 1 | 0 | 0 | = | 0 | 1 | 6 | 16½ |
| Viktor Korchnoi | = | = | = | = | = | = | = | 0 | = | = | 1 | = | 0 | 0 | = | = | 0 | = | = | = | 1 | = | = | = | = | = | 0 | 1 | 1 | = | 1 | 0 | 5 | 15½ |
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | Vinko-punti | Punti totale | |
|---|---|---|---|---|---|---|---|---|---|---|---|---|---|---|---|---|---|---|---|---|
| Anatoli Karpov | 1 | 1 | = | 1 | = | 0 | = | = | 1 | = | = | = | 0 | 1 | = | = | = | 1 | 6 | 11 |
| Viktor Korchnoi | 0 | 0 | = | 0 | = | 1 | = | = | 0 | = | = | = | 1 | 0 | = | = | = | 0 | 2 | 7 |
Referi
[redaktar | redaktar fonto]- ↑ Propra nomi relatanta a Rusa linguo esas rezulto dil Idala latinigado, do li esas plene lektebla en Ido.