Marc Cerrone
| Marc Cerrone | ||
 | ||
| Profesiono: | kompozisto, muzikisto, muzikala produktisto e disk-jokeo | |
| Lando: |  Francia | |
| Naskodato: | 24 di mayo 1952 | |
| Nasko-loko: | Vitry-sur-Seine, Francia | |
| Retoloko: | http://www.cerrone.net | |
Marc Cerrone (n. ye la 24ma di mayo 1952) esas Franca kompozisto, muzikisto, muzikala produktisto e disk-jokeo. Ilu judikesas kom un ek la maxim influanta muzikala produktisti Europana dum la yari 1970a e 1980a.[1] Ilu vendis mondale plu kam 30 milion kopiuri de lua muziki, di qui 4 milioni nur en Francia[2], di qui 8 milioni di la kansono Supernature[3].
Cerrone naskis en Vitry-sur-Seine, urbo proxim Paris. Segun ilu dicis, evante 12 yari ilu audis muziki de Otis Redding, Jimi Hendrix e Blood, Sweat & Tears. Evante 18 yari, ilu komencis laborar kom chefo di orkestro por l'entraprezo Club Mediterranée SA (konocita kom Club Med). Du yari pose, l'enrejistro-kompanio Franca Barclay signatis kontrato kun ilu, qua kreis muzikala bando nomizita "Kongas" e produktis tri albumi.
En 1975 ilu movis de Paris a London, ube enrejistris LP Love in C Minor. L'apelo erotika di la kansono-titulo dil disko, kun jemi di orgasmo mixita a la dansebla ritmo disco obtenis granda suceso e vendis plua kam 3 milion kopiuri en Francia e 10 milion kopiuri en tota mondo pos ke Usana enrejistro-kompanio Atlantic lansis ol.
Ilua maxim granda (vendo-)suceso esas Supernature (1977), kansono aludante la mala maniero quale traktesas la naturo da la homaro, ed olua devastant efiko. En Supernature, Cerrone mixis simfonala instrumentizo kun la fono di sintetizili e vendis 8 milion kopiuri, lua maxim granda suceso.[4] En 1978, Cerrone ganis 6 premii de l'Usana revuo Billboard, inkluzite la premio "artisto dil yaro pri muziko disco". La kansono pleesis dum spektaklo okazione l'apertala ceremonio dil Olimpiala Ludi en Paris, 2024.
En 2002, ilu sucesis en Europa kun la kansono Hysteria, qua havas muzikala stilo qua semblas disco.
Cerrone kompozas en diversa muzikala stili, exemple disco, Eurodisco, funk ed anke House Franca. Ilu verkis kun notora kantisti e muzikisti, exemple Nile Rodgers, Toto, Laura Branigan, Jocelyn Brown, La Toya Jackson e Axelle Red.
Diskografio
[redaktar | redaktar fonto]- Kongas – Kongas
- Kongas – Africanism
- Donray – Garden of Love
- Love in C Minor (Cerrone I) (1976)
- Cerrone's Paradise (Cerrone II) (1977)
- Supernature (Cerrone III) (1977)
- Brigade Mondaine (1978)
- Cerrone IV: The Golden Touch (1978)
- Angelina (Cerrone V) (1979)
- Portrait of a Modern Man (Cerrone VI) (1980)
- You Are The One (Cerrone VII) (1980)
- Back Track (Cerrone VIII) (1982)
- Your Love Survived (Cerrone IX) (1982)
- Where Are You Now (Cerrone X) (1983)
- The Collector (Cerrone XI) (1985)
- Way In (Cerrone XII) (1989)
- Dancing Machine (Cerrone XIII)(1990)
- Dream (Cerrone XIV) (1992)
- X-Xex (Cerrone XV) (1993)
- Human Nature (Cerrone XVI) (1994)
- Best of Remixes (1995)
- Cerrone by Bob Sinclar (Cerrone XVII) (2001)
- Hysteria (Cerrone XVIII) (2002)
- Culture: The best of (Cerrone XIX) (2004)
- Orange Mécanique – The Score (Cerrone XX) (2006)
- Celebrate! (Cerrone XXI) (2007)
- Love Ritual (Cerrone XXII) (2008)
- Cerrone by Jamie Lewis (Cerrone XXIII) (2009)
- Variations of supernature (Cerrone XXIV) (2010)
- Addict (2012)
- Afro EP (2016)
- Red Lips (2016)
- DNA (2020)
Kelka muzikavidei
[redaktar | redaktar fonto]Referi
[redaktar | redaktar fonto]- ↑ Marc Cerrone, Biographie, Evene, retrieved 20 May 2013
- ↑ Les Ventes par Artiste de 1955-2012 - Dato di publikigo: 5ma di novembro 2013.
- ↑ French disco producer Cerrone is one of the originators of disco - Publikigita da rephlektorink.com. URL vidita ye 20ma di mayo 2013.
- ↑ Disco icon Cerrone woos a new generation of fans, Timeout, Bruce Tantum, 16ma di novembro 2006