Joachim Estruch Simó

Joachim Estruch Simó o Joaquim Estruch Simó (n. Monistrol de Montserrat, 1884 - m. Sabadell, 1969) esis Hispana skriptisto, pedagogo, editisto, anarkiisto, politikal aktivisto.

Joachim esis la deketriesma infanto ek 15 infanti quin havis patro Joaquim Estruch Biosca e matro J. Simó. Joaquim Estruch Biosca esis protestanta ed fondinto di unesma evangeliala komunesi en Hispania. Joachim edukesis en tre religioza familio.

Joachim venis en kontakto kun anarkiisti e divenis anarkiisto, abandoninte sua religiala fundo. Il mariajesis a Marina Subirana e kun el havis 2 filii. En Monistrol il fondis grupo Ni Deú, Ni Amo (Nek Deo Nek Patrono), di qua l'idei koaktigis lu (e familio) translojar. En Sabadell il trovis laboro kom docisto.

Kredante ferme a pacifismo il ne povas konkordar kun l'anarkiisti qui dum l'Unesma Milito Mondala favoris Francia e Britania, Joachim opinionis ke pacifisto esez neutra.

Il komencis en 1915 la revuo "Reivindicación", revuo defensante la revolucioneri di la Mexikiana revoluciono.

En 1922 il retrovenis a la religio, abandonis l'anarkiismo ma developis idei pri religio e socialismo. Il intereseskis pri internacionaleso e venis en kontakto kun Esperantisti.

Ido

En 1925 il divenis direktisto di skolo por infanti. Dum la nokti la skolo docis a laboristi. La skolo esis granda suceso ed il komencis revuo Acción Cultural (Kultural Agado). Pro ca revuo il havis kontakto kun José Elizalde, important anarkiisto dil epoko, e sekretario di la Hispana Ido-Societo. Acciön Cultural kontenis artikli pri Ido. Joachim Estruch Simó laudis e propragis Ido. En 1932, pos ke Joachim Estruch Simó cesis redaktar Acción Cultural, la revuo chanjis nomo e divenis La Lucha (La Lukto). La Lucha kontenis suplemento en Ido "Laboro", olquan anke fondesis da Joachim Estruch Simó.

Pos vinko dil interna milito da Franko il devis vivar silencoze pro sua politikal idei ed aktivisteso. Il mortis en 1969.