Kabo Agulhas

De Wikipedio
Salti al navigilo Irez a serchilo
Monumento montras punto ube l'Oceano Atlantiko e l'Indiana oceano renkontras su.
Mapo montras la sudo di Sudafrika, Kabo di Bon Espero e Kabo Agulhas.

Kabo Agulhas esas kabo jacanta en Sudafrika an la maxim sudala punto di Afrikana kontinento, ube l'oceani Atlantiko e Indiana renkontras su. Sua geografiala koordinati esas 20°00'09"E 34°50'00"S.

Jacanta an la nuna Sudafrikana provinco Westala Kabo, ol distas cirkume kilometri sud-este de Cape Town (Kab-Urbo). Sude de la regiono, la varma oceanal aquofluo Agulhas, qua fluas norde til sude de Mozambik e Madagaskar til Sudafrika, turnas addope, retroiranta al l'Indiana oceano. La klimato en la regiono esas Mediteraneala (Csb segun la klimatala klasifikuro da Köppen). La mezavalora pluvo-quanto varias de 400 til 600 mm omnayare, esanta la vintro la maxim pluvoza sezono.[1]

L'unesma Europano qua vidis ol esis Bartolomeu Dias, Portugalana navigisto, dum lua voyaji kun skopo deskovrar navigebla voyo til l'Indiana oceano. Ilu baptis la regiono "Cabo Agulhas" (Agulhas signifikante "agulo") nam ilu perceptis ke en la regiono, l'aguli de busoli indikis exakte la geografiala nordo.

Panoramo pri Kabo Agulhas, videbla de lua faro.
Panoramo pri Kabo Agulhas, videbla de lua faro.

Referi[redaktar | redaktar fonto]

Commons
Commons havas kontenajo relatante a: