Kasko Adrian
Kasko Adrian esis militala kasko uzata da Franca trupi dum l'unesma mondomilito, pos septembro 1915.
Ol esis urjante konceptita pos ke milioni di soldati engajesis por luktar en tranchea milito, e ke vunduri en la kapo divenis signifikiva proporciono di la perdaji sur agro-batalio pro l'explozo di obusi. Ol esis l'unesma militala kasko moderna.[1]
La kresto, quale kavalrio, helpis amortisar supera shoko. Ta kasko konstruktesis kun dikeso di 7/10 mm, pezante nur 765 grami, plua lejera kam Germana Stahlhelm e Britaniana kasko Brodie. Mult altra landi adoptis ol, exemple Sovietia, de la plua kam 20 milioni produktita.
En 1926 uzesis plu rezistanta stalo, nomizita M26. Ol uzesis dal Franca militisti dum la duesma mondomilito e dal polico til la yari 1970ma.