Klasifiko di loki en Polonia

Loki (habitata o olim habitata) en Polonia povas dividar a du bazala tipi:

• precipua loko
• parto di loko

Nura tipo urbala es urbo (Polone: miasto), e precipua rurala tipo – vilajo (Polone: wieś).

Cetera tipi en Polonia es nomi historiala, qua en Ido wikipedio existas sub komuna nomo domaro.

La domaro es equivalo de Polona tipi quale:

• Kolonia – kom rezulto di expanso bazala loko a distanta regiono. Ol povas esar precipua loko o parto di altra loko (urbo/vilajo/domaro).
• Osada – loko maxim-multa-kaze en rurala regiono havanta specifika edifici, exemple: domaro mueleyala (Polone: osada młyńska), domaro forestala (osada leśna), domaro peskerala (osada rybacka), domaro ferovoyala (osada kolejowa), domaro turistala (schronisko turystyczne) e cetere. Ol povas esar precipua loko o distanta parto di altra loko (urbo/vilajo/domaro).
• Przysiółek – kelka domi distanta de maxim proxima loko, qua maxim-multa-kaze es parto di lo.
• Osiedle – tipo di loko kom integrala parto dil urbo/vilajo. Olim existis sorto di lo kom kolonieto urbaltipa, qua ank existis en Soviet-Uniono e ankore existas en Rusia, Ukraina en Bielorusia (agrourbeto) – tipo inter urbo e vilajo.

Oportas mencionar ke domaro forestala maxim-multa-kaze es relatata kun edifici di forestisto (Polone: leśniczówka/gajówka), e domaro turistala es edifici hotelala distanta de maxim proxim loko apud turistala voyi.

Nuntempa parti di loki maxim-multa-kaze es exloki, e omna yaro portas chanji di stando di loki – separata loki divenas parti di loki, e parti di loki – separata.