Kubana revoluciono

De Wikipedio
Irez ad: pilotado, serchez
Che Guevara (dextre en la foto, kun pipo) e Raúl Castro en 1958.

Kubana revoluciono esis armizita revolto komandita da Fidel Castro kontre la diktatoreso di Fulgencio Batista en Kuba. Ol duris de la 26ma di julio 1953 til la 1ma di januaro 1959 kande revolucioneri kaptis povo.

La revoluciono komencis kun nesucesoza atako a la kazerno di Moncada, en Santiago de Cuba. Segun Fidel Castro, kin revolucioneri mortis dum atako ed altra 56 pose. La transvivanti, inkluzite Fidel Castro e Raúl Castro, enkarcerigesis, ma en 1955 omna liberigesis. Raúl e Fidel exilis su en Mexikia, ube li recevis aprentiteso pri militeto de Alberto Bayo, ex-kombatanto di Hispana interna milito, e komencis preparar revoluciono kontre Batista. Dum lia aprentiteso, li konocis e developis amikeso kun Ernesto Che Guevara.

Avanci di revolucioneri en Kuba vers Havana.

Ye la 2ma di decembro 1956 yakto Granma arivis en Kuba kun la fratuli Castro ed altra 80 homi. La revolucioneri desembarkis e movis vers la montaro Sierra Maestra, sude del insulo. La grupo komencis sucesoza ataki kontre Kubana forci, dum ke la rejimo di Batista subisis armeala embargo de Usa pos la 14ma di marto 1958. Ta embargo febligis lua rejimo, malgre Kuban armeo havis de 30 mil til 40 mil soldati. Fine, revolucioneri kaptis povo ye la 1ma di januaro 1959.

Extera ligili[redaktar | redaktar fonto]